របស់ទាំង ៧ ដែលមានតម្លៃខ្លាំងបំផុត តែបែរជាក្លាយជារបស់ដែល Free អ្នកណាក៏អាចទទួលបានដោយឥតគិតថ្លៃ មិនបាច់ចំណាយលុយទិញ ក៏គ្រប់គ្នាអាចទទួលបាន
មនុស្សយើងតែងតែនិយាយថា លើលោកនេះគ្មានអ្វីដែលហ្វ្រីនោះឡើយ សូម្បីតែបាយថ្ងៃត្រង់ ដែលគេអញ្ជើញយើងញុំាក៏សុទ្ធតែត្រូវមានអ្វីដែលយកមកដោះដូរដែរ គេមានបំណង ឬចង់ពឹងពាក់អ្វីមួយ ទើបគេប៉ាវយើងញុំាអី។ ជាការពិត រាល់អ្វីដែលទទួលបាន គឺត្រូវតែមានការដោះដូរ ប៉ុន្តែ មានរបស់ ៧ ដែលមានតម្លៃ តែបែរជាក្លាយជារបស់ដែលឥតគិតថ្លៃទៅវិញ ដែលអ្នកណាៗក៏អាចទទួលបានរបស់ទាំងនេះដែរ។
១. ពន្លឺព្រះអាទិត្យ ៖ យើងមិនអាចរស់នៅដោយគ្មានពន្លឺនៃព្រះអាទិត្យបានទេ។ ភាវៈរស់ទាំងអស់ក្នុងលោកសុទ្ធតែមិនអាចរស់បានដោយគ្មានពន្លឺថ្ងៃ។ ពន្លឺព្រះអាទិត្យគឺដូចជាខ្យល់ដង្ហើម ដែលផ្តល់សារធាតុចិញ្ចឹមចាំបាច់ប្រចាំថ្ងៃដើម្បីចិញ្ចឹមរាងកាយរបស់យើង។ មិនបាច់ទាមទារ មិនបាច់ចំណាយលុយទិញ ក៏យើងអាចប្រើប្រាស់ និងទទួលបានពន្លឺព្រះអាទិត្យនេះបានដែរ។
២. ខ្យល់អាកាស ៖ រាល់ថ្ងៃអ្នកកំពុងដកដង្ហើមដើម្បីរស់នៅ ទាំងដែលមិនបាច់ត្រូវចំណាយប្រាក់សូម្បីតែមួយសេនដើម្បីទិញ។ តាំងពីបុរាណកាលរហូតមកដល់បច្ចុប្បន្ន មនុស្សគ្រប់គ្នាទទួលយកខ្យល់អាកាសដោយឥតគិតថ្លៃ ហើយគ្មាននរណាម្នាក់ខ្វល់ថាពួកគេកំពុងរីករាយនឹងរបស់ដ៏មានតម្លៃមួយនៅលើផែនដីនេះដោយឥតគិតថ្លៃនេះឡើយ។
៣. សេចក្ដីស្នេហា ៖ មនុស្សស្រឡាញ់គ្នាទៅវិញទៅមកដោយធម្មជាតិ។ អ្នកមិនអាចប្រើលុយ ឬអ្វីផ្សេងទៀតដើម្បីទិញស្នេហា ការស្រឡាញ់នេះឡើយ។ ស្នេហាជារឿងវេទមន្តដែលមនុស្សពីរនាក់មានអារម្មណ៍ចំពោះគ្នា គឺភាពសុខដុមនៃចិត្ត និងចិត្តដែលចុះសម្រុងគ្នា ទោះជួបព្យុះភ្លៀង មានទុក្ខ រួមសុខជាមួយគ្នា។ ទំនាក់ទំនងនេះគឺមិនបាច់ចំណាយលុយទិញទេ ហើយក៏ជារបស់ដែលលុយមិនអាចទិញបានដូចគ្នា។
៤. ភាពស្និទ្ធស្នាល ៖ គ្មានឪពុក ឬម្ដាយណានិយាយទៅកាន់កូនថា «ទាល់តែកូនមានលុយឱ្យពុកម៉ែ ទើបពុកម៉ែស្រឡាញ់កូននោះឡើយ»។ សេចក្តីស្រឡាញ់របស់ឪពុកម្តាយគឺគ្មានព្រំដែន គ្មានអ្វីអាចប្រៀបផ្ទឹមបាន គ្មានអ្វីអាចវាស់វែងបានឡើយ។ ដរាបណាឪពុកម្ដាយរបស់អ្នកនៅមានជីវិតនៅលើលោកនេះ កូននឹងនៅតែទទួលបានក្ដីស្រឡាញ់ដែលគ្មានព្រំដែននេះ។
៥. មិត្តភាពពិតប្រាកដ ៖ មិត្តភាពត្រូវបានសម្រេចតាមរយៈការយោគយល់គ្នា និងការចែករំលែក។ គ្មានលុយណាអាចទិញមិត្តភាពដ៏មានតម្លៃបានឡើយ។ ជាមិត្តពិត គេនឹងនៅក្បែរអ្នក ចាំជួយអ្នកពីក្រោយ ចាំលើកអ្នកឡើងពេលអ្នកដួល មនុស្សដែលអាចលួងចិត្តអ្នកពេលអ្នកខូចចិត្ត ក៏ដូចជាពេលអ្នកសប្បាយចិត្ត ចេះជួយគ្នាទៅវិញទៅមកពេលមានបញ្ហា... ជាមនុស្សដែលស្មោះត្រង់ចំពោះអ្នក លះបង់ឱ្យអ្នកដោយមិនត្រូវការការតបស្នង នោះហើយជាមិត្តភាពពិត ដែលលុយមិនអាចទិញបានឡើយ។
៦. សេរីភាពក្នុងសុបិន ៖ គ្មាននរណាម្នាក់យកពន្ធលើសុបិនរបស់អ្នកទេ។ ប៉ុន្តែមនុស្សភាគច្រើនកើតមកមានក្តីស្រមៃរៀងៗខ្លួន សុបិនដ៏ស្រស់ស្អាតដែលធ្វើឱ្យជីវិតរបស់អ្នកកាន់តែប្រសើរឡើង ឈានទៅមុខ សុបិនទាំងនេះមិនចំណាយប្រាក់អ្វីឡើយ។
៧. ជំនឿដោយសេរី ៖ មិនថាអ្នកធ្វើតាមជំនឿបែបណានោះទេ នោះហើយជាកន្លែងដែលព្រលឹងអ្នកត្រូវបានតម្កល់។ ជំនឿអាចជួយឱ្យអ្នកមានអារម្មណ៍ស្ងប់សុខ។ ជំនឿគឺជាជម្រកដ៏ល្អបំផុតរបស់ដួងព្រលឹង ជាពន្លឺដែលជួយយើងយកឈ្នះរាល់ការលំបាក និងឧបសគ្គនៅលើផ្លូវជីវិត៕
ព័ត៌មានថ្មីៗ
