រឿងដ៏សាមញ្ញទាំង ៣ មនុស្សឆ្លាតដាច់ខាតមិនធ្វើនោះឡើយ
មនុស្សដែលមានភាពឆ្លាតវៃ រមែងដឹងអំពីអ្វីដែលខ្លួនគេនិយាយ និងធ្វើ តែងមានចិត្តប្រយ័ត្នប្រយែងមិនបណ្ដោយឱ្យខ្លួនខុសឆ្គងព្រោះតែទង្វើ ឬសម្ដីណាមួយនោះឡើយ។ ហេតុដូច្នេះហើយ ជាមួយនឹងរឿងដ៏សាមញ្ញទាំង ៣ នេះ ដែលមនុស្សជាច្រើនតែងតែមិនរំលង មិនខ្វល់ ប៉ុន្តែសម្រាប់មនុស្សឆ្លាត ដាច់ខាតមិនធ្វើនោះឡើយ។
១. កុំលេងសើចនឹងអ្នកដទៃ ៖ មនុស្សម្នាក់ៗកើតមកមានវាសនារៀងៗខ្លួន។ ក្នុងជីវិតមនុស្សមិនច្រើនទេដែលកើតមកក្នុងភាពប្រណីត។ ព្យុះនៃជីវិតដោយក្តីបារម្ភអំពីអាហារ សម្លៀកបំពាក់ និងលុយកាក់ ធ្វើឱ្យយើងវិលវល់ និងគ្មានពេលសម្រាប់ខ្លួនឯងសោះ។ ដូច្នេះគ្មានហេតុផលអ្វីដែលយើងសើចចំអកចំពោះអ្នកដទៃឡើយ។ មនុស្សគ្រប់រូបមានពេលវេលា និងទីកន្លែងរបស់ពួកគេ។
មានតែអ្នកដែលបានឆ្លងកាត់ថ្ងៃវេទនាប៉ុណ្ណោះ ដែលយល់ពីតម្លៃនៃសន្តិភាព។ មានតែអ្នកដែលធ្លាប់អត់ឃ្លាន ប៉ុណ្ណោះទើបយល់ច្បាស់ពីអារម្មណ៍ខ្វះខាត កុំគិតថាអ្នកដទៃមិនល្អដូចអ្នក កុំសើចំអកឡកលើយពេលឃើញគេអត់ ឃើញគេល្ងង់ កុំគិតថាខ្លួនឯងខ្លាំងជាងគេឱ្យសោះ។ មនុស្សឆ្លាតពិតជាចេះដាក់ខ្លួន។ បើអ្នកសើចដាក់គេ ពួកគេនឹងធ្វើពុតជាមិនឃើញ។ កុំសើចនឹងភាពល្ងង់ខ្លៅរបស់អ្នកដទៃ ត្រូវបន្ទាបខ្លួន នោះជាការគួរឱ្យសរសើរ។
២. កុំអង្គុយដកដង្ហើមធំ កុំត្អូញត្អែរទួញសោក ៖ ចិនមានពាក្យមួយឃ្លាថា៖ «ទួញសោកម្តង ក្រ៣ឆ្នាំ» ។ ការដកដង្ហើមធំម្តងនឹងមិនធ្វើឱ្យអ្នកក្រភ្លាមៗនោះទេ ប៉ុន្តែអ្នកដែលដកដង្ហើមញឹកញាប់នឹងនាំសំណាងអាក្រក់ យីអ៊ុនដាក់។ មនុស្សដែលដកដង្ហើមធំ ជាញឹកញាប់ដោយសារតែការធុញថប់ក្នុងចិត្ត ក៏នឹងបង្កើតថាមពលអវិជ្ជមាននៅជុំវិញពួកគេផងដែរ។ ការដកដង្ហើមធំនឹងបំផ្លាញភាពរឹងមាំ ការដកដង្ហើមធំនីមួយៗនឹងកាត់បន្ថយភាពជឿជាក់មួយផ្នែក។ តើមនុស្សដែលគ្មានឆន្ទៈ និងជំនឿអាចមានសុភមង្គលដោយរបៀបណា? ដូច្នេះកុំដកដង្ហើមធំ នៅពេលដែលអ្វីៗដំណើរការខុសមិនបានដូចចិត្ត។
បុរាណបានពោលថា «ជីវិតកើតមកដោយខ្លួនយើង ពរជ័យកើតមកដោយខ្លួនយើង»។ មនុស្សដែលរស់នៅក្នុងពិភពលោកនេះត្រូវតែដឹងថា ពួកគេអាចពឹងផ្អែកលើខ្លួនឯងតែប៉ុណ្ណោះ។ អ្នកកាន់តែត្អូញត្អែរ អ្នកដទៃនឹងមើលងាយអ្នកកាន់តែច្រើន។ មនុស្សមិនត្អូញត្អែរ ទោះខំប៉ុនណាក៏គ្មានយីអ៊ុន មិនរីកចម្រើនឡើយ។ ប្រសិនបើអ្នកតែងតែត្អូញត្អែរពីភាពលំបាករបស់អ្នក មិនត្រឹមតែអ្នកដទៃមិនចូលចិត្តស្តាប់នោះទេ អ្នកក៏នឹងមានអារម្មណ៍ថាអ្នកធុញទ្រាន់ផងដែរ។ គ្មានផ្លូវដែលពោរពេញដោយផ្កាកុលាប គ្មានបន្លា និងឧបសគ្គនោះទេ។ ទោះជីវិតហត់នឿយយ៉ាងណា កុំត្អូញត្អែរ។ គ្មានក្របីណាដែលងាប់ដោយភាពនឿយហត់ទេ មានតែជ្រូកដែលស្លាប់ដោយសារខ្ជិលតែប៉ុណ្ណោះ។ ដូច្នេះ យកល្អត្រូវរងទុក្ខបន្តិចជាជាងនៅទំនេរអត់ប្រយោជន៍។ ក្នុងនាមជាមនុស្សមិនថានឿយហត់ប៉ុនណាទេ បើមិនត្អូញត្អែរថាហត់ទេ នោះជាមនុស្សដែលមានការតាំងចិត្ត និងស្មារតីល្អ។
៣. កុំឈ្លោះជាមួយអ្នកដទៃ ៖ បុរាណបាននិយាយថា «មាត់អាចនិយាយពាក្យពីរោះ ឬក៏អាចនិយាយពាក្យអាក្រក់បានដែរ អ្វីដែលយើងនិយាយគឺឆ្លុះបញ្ចាំងពីធាតុពិតរបស់យើង»។ កំហឹងធ្វើបាបអ្នក ហើយអ្នកតែម្នាក់គត់ដែលរងទុក្ខខ្លាំងបំផុត។ ដូច្នេះហើយ បើអ្នកមិនខឹង អន់ចិត្ត ឬរំជើបរំជួលទេ អ្នកនឹងមានសំណាងច្រើនក្នុងជីវិត។ កុំខឹងពេលឮពាក្យអាក្រក់ កុំអន់ចិត្ត និងបង្កាច់បង្ខូច ប៉ុន្តែត្រូវតែតស៊ូស្វែងរកផ្លូវល្អ ឈប់រវើរវាយទៀតទៅ។ មានសុភាសិតមួយឃ្លាពោលថា “មិនថាអ្នកហៅក្របី ឬសេះ នោះនឹងបានផល” មានន័យថា មិនអីទេ បើគេប្រមាថ ឬសរសើរពីអ្នកដទៃ ប៉ុន្តែអ្នកមិនត្រូវប្រៀបធៀបឡើយ។ បើមិនខឹងទេ ទោះមានរឿងអ្វីកើតឡើងក្នុងជីវិតក៏តែងមានផ្លូវចេញ៕
ព័ត៌មានថ្មីៗ
