មិនមែនជាការលាក់បាំង អាថ៌កំបាំងអ្វីទេ តែរឿងទាំង ៣ យ៉ាងនេះ យើងមិនគួរនិយាយប្រាប់អ្នកដទៃឡើយ
មិនថាទំនាក់ទំនងស្និទ្ធប៉ុនណា មិនថាគេល្អ ឬក៏អ្នកទុកចិត្តគេខ្លាំងប៉ុនណាទេ តែអ្វីដែលគយរនិយាយ និងអ្វីដែលមិនគួរនិយាយ យើងត្រូវតែដឹងឱ្យបានច្បាស់ រឿងខ្លះ មិនមែនយើងចង់លាក់បាំង កុហក ភូតភរគេឡើយ គ្រាន់តែយើងមិនគួរនិយាយ មិនគួរឱ្យគេបានដឹងតែប៉ុណ្ណោះ។ យ៉ាងណាមិញ រឿងទាំង ៣ យ៉ាងនេះ វាមិនមែនជារឿងអាថ៌កំបាំងទេ គ្រាន់តែយើងមិនគួរនិយាយអ្វីច្រើនពេក រឹតតែមិនគួរទៅរៀបរាប់ឱ្យអ្នកដទៃដឹងនោះដែរ។
១. ប្រាក់ខែ/ប្រាក់ចំណូល ៖ រឿងលុយកាក់ មិនថាអ្នកមានច្រើន ឬតិចទេ វាមិនចាំបាច់អ្វីដែលត្រូវទៅនិយាយរៀបរាប់ប្រាប់អ្នកដទៃនឡើយ។ ប្រសិនបើអ្នកមានប្រាក់ចំណូលខ្ពស់ ហើយមានភាពគ្រប់គ្រាន់ដោយខ្លួនឯង និងឯករាជ្យផ្នែកហិរញ្ញវត្ថុ អ្នកមិនចាំបាច់សុំជំនួយពីអ្នកដទៃ នៅពេលអ្នកមានបញ្ហាលុយនោះទេ ប៉ុន្តែជាមួយមនុស្សខ្លះ នឹងមករកអ្នកតែពេលត្រូវការខ្ចីលុយប៉ុណ្ណោះ ក៏មានមនុស្សខ្លះ បែរជាកើតចិត្តច្រណែននឹងទ្រព្យដែលអ្នកមានផងដែរ។
មនុស្សខ្លះគិតថាអ្នកមានលុយ ប្រសិនបើគេមកពឹងពាក់ខ្ចីបុលអ្នកមិនបាន គេនឹងគិតថាអ្នកចិត្តអាក្រក់ ចិត្តមិនបាន កើតជាការស្អប់អ្នកទៅវិញ។ ផ្ទុយទៅវិញ ប្រសិនបើប្រាក់ចំណូលរបស់អ្នកទាប គ្រប់គ្រាន់សម្រាប់ចំណាយលើការរស់នៅរបស់អ្នក មនុស្សដែលអ្នកជួបនឹងយល់ ហើយមិនហ៊ានមកខ្ចីលុយអ្នកទេ។ អ្នកមិនគួរឱ្យអ្នកដទៃដឹងថាអ្នកមានលុយ ឬក៏អត់នោះឡើយ។ នៅពេលសួរអំពីប្រាក់ចំណូល ឬប្រាក់សន្សំ អ្នកមិនចាំបាច់ឆ្លើយច្បាស់លាស់ និងស្មោះត្រង់ពេកនោះទេ។
២. ជម្លោះក្នុងគ្រួសារ ៖ ប្រសិនបើអ្នករស់នៅតែម្នាក់ឯងមួយរយៈអ្នកនឹងមិនមានជម្លោះទេ។ ប៉ុន្តែប្រសិនបើអ្នករស់នៅជាមួយគ្រួសារ ការឈ្លោះប្រកែកគ្នា គឺចៀសមិនផុតឡើយ។ នៅពេលអ្នកគិតប្រកាន់ខ្លាំងពេក អ្នកនឹងមានអារម្មណ៍ក្រៀមក្រំ និងសោកស្ដាយយ៉ាងខ្លាំងដែលអ្នកបានដើរខុសផ្លូវ។ សូមចងចាំថា សូម្បីតែចង្កឹះ ពេលខ្លះក៏ប៉ះទង្គិចដែរ គ្មានគ្រួសារណាដែលគ្មានបញ្ហានោះទេ។ ប៉ុន្តែកុំប្រញាប់ប្រាប់អ្នកខាងក្រៅអី។ ពួកគេមិនមែនជាអ្នកខាងក្នុង ហើយមិនយល់ពីស្ថានភាពនោះទេ។ អ្នកប្រហែលជាមិនទទួលបានការអាណិតអាសូរ តែផ្ទុយទៅវិញ អាចធ្វើឱ្យគ្រួសាររបស់អ្នកមើលទៅមិនល្អក្នុងក្រសែភ្នែកអ្នកដទៃ។
៣. ទិញអ្វីក៏ដោយកុំនិយាយ ៖ ពេលដែលអ្នកមានសមត្ថភាពគ្រប់គ្រាន់ អ្នកផ្តល់រង្វាន់ដល់ខ្លួនឯង នោះគឺជារឿងធម្មតា។ វានឹងជម្រុញអ្នកឱ្យព្យាយាមកាន់តែខ្លាំង។ ប៉ុន្តែការផ្តល់រង្វាន់ដល់ខ្លួនឯងមិនចាំបាច់អួតទេ។ នៅពេលអ្នកអួតអ្នកនឹងជួបបញ្ហាកាន់តែច្រើន។ ជីវិតនេះ គឺសម្រាប់ខ្លួនឯង មិនមែនដើម្បីអួតសម្ញែងគេនោះទេ។ ដូច្នេះគ្រាន់តែសប្បាយចិត្តគឺគ្រប់គ្រាន់ហើយ មិនចាំបាច់បង្ហាញនោះឡើយ៕
ព័ត៌មានថ្មីៗ
