តើអ្នកគិតថា គូស្នេហ៍ណាដែលស្អិតរមួតជាងគេ នោះនឹងបង្ហាញថា អ្នកចង់បានស្នេហាបែបណា?
ជ្រើសរើសរូបគូស្នេហ៍មួយគូ ដែលអ្នកគិតថា មានភាពស្អិតរមួតផ្អែមល្ហែមជាងគេ ដើម្បីដឹងថា តើស្នេហាបែបណាដែលអ្នកប្រាថ្នាចង់បាន?
A. គូស្នេហ៍ A
បើអ្នកជ្រើសយកគូស្នេហ៍ A នេះមានន័យថា អ្នកចង់បានស្នេហាធម្មតាៗ តែប្រកបដោយផាសុកភាព សង្ឃឹមថាភាគីទាំងសងខាងនឹងរស់នៅជាមួយគ្នា ជាគ្រួសារពិតប្រាកដ។ សម្រាប់អ្នកសុវត្ថិភាព និងការសម្រាកលំហែ គឺជាតម្រូវការជាមុនសម្រាប់ការបង្កើតស្នេហា។ អ្នកចង់ឱ្យភាគីទាំងពីរ ពិនិត្យមើលទំនាក់ទំនងនេះឱ្យបានច្បាស់លាស់ មានគម្រោង និងការរំពឹងទុកសម្រាប់អនាគតរបស់អ្នកទាំងពីរ និងខិតខំធ្វើការទាំងសងខាង អ្នកឱ្យតម្លៃស្ថេរភាព ដូច្នេះតែងតែតម្រង់ទិសដៅឱ្យស្នេហាដែលស្ថិតស្ថេរ និងយូរអង្វែង។ ជាការពិតអ្នកតែងតែព្យាយាមបង្កើតភាពភ្ញាក់ផ្អើលឱ្យគ្នាទៅវិញទៅមក មិនមែនរវល់ ហើយតែងតែព្រងើយកន្តើយ ទុកគ្នាចោលនោះឡើយ។
B. គូស្នេហ៍ B
អ្នកងាយត្រូវបានល្បួងដោយកត្តាដែលមើលឃើញ ជារឿយ ៗ ជាមួយមនុស្សដែលមើលទៅគួរឱ្យចាប់អារម្មណ៍។ អ្នកចង់បានស្នេហាដែលកើតចេញពីមិត្តភាព ដែលក្នុងនោះភាគីទាំងសងខាងស្គាល់គ្នាក្នុងនាមជាមិត្តសាមញ្ញ និងស្លូតត្រង់ មិនឆ្គាំឆ្គង ហើយក៏មិនមានចេតនាជ្រាលជ្រៅជាមួយគ្នាដែរ។ សម្រាប់អ្នកមិត្តភាពដើរតួនាទីស្មើគ្នាជាមួយស្នេហា ដូច្នេះអ្នកតែងតែចង់ឱ្យដៃគូធ្វើដូចមិត្តល្អបំផុតរបស់អ្នក។
C. គូស្នេហ៍ C
សេចក្ដីស្រឡាញ់ដែលអ្នកប្រាថ្នាចង់បាន គឺសាមញ្ញហើយកក់ក្តៅ។ អ្នកមិនបាច់រ៉ូមែនទិកពេកទេ ប៉ុន្តែអ្នកនៅតែចង់ព្យាយាមបង្កើតភាពផ្អែមល្ហែមដើម្បីផ្គាប់ចិត្តភាគីម្ខាងទៀត។ អ្នកសង្ឃឹមថាអ្វីដែលអ្នកផ្តល់ឱ្យនឹងត្រូវបានកោតសរសើរ និងទទួលបានរង្វាន់ពីភាគីម្ខាងទៀត។ អ្នកចង់បានទំនាក់ទំនងដែលមានការរីកចម្រើនយឺត ៗ ទាំងការស្វែងយល់ និងយកចិត្តទុកដាក់ចំពោះគ្នាទៅវិញទៅមក៕
ប្រភព ៖ iOne / ប្រែសម្រួល ៖ ភី អេក (ក្នុងស្រុក)
ព័ត៌មានថ្មីៗ
