បុរសឆ្នាំទាំង ៣ ជោគជ័យទាំងការងារ ជោគជ័យទាំងការមើលថែក្រុមគ្រួសារ
បុរសឆ្នាំទាំង ៣ ! រាសីឡើងខ្ពស់ត្រដែត បើចេះស្រឡាញ់ ថ្នាក់ថ្នមប្រពន្ធក្នុងចំណោមមនុស្សដែលកើតក្នុងឆ្នាំទាំង ១២ ឆ្នាំនីមួយៗតែងមានចរិតខុសៗគ្នា ហើយនឹងមានវិធីរស់នៅជាមួយភរិយាក្រោយរៀបការ ក៏មិនដូចគ្នាដែរ។ ខាងក្រោមនេះជាឆ្នាំរបស់បុរសដែលគេដឹងថា ជាមនុស្សស្រលាញ់ប្រពន្ធ ហើយមានសុភមង្គល បំផុតក្រោយរៀបការរួច។
១. បុរសកើតក្នុងឆ្នាំច
បុរសឆ្នាំច គឺជាមនុស្សដែលមានចិត្តទូលាយ សប្បុរស និងស្មោះត្រង់ចំពោះមនុស្សជុំវិញខ្លួន។ បន្ទាប់ពីរៀបការ ពួកគេតែងតែគិតថា ការការពារ និងមើលថែប្រពន្ធកូន គឺជាបេសកកម្មរបស់ពួកគេ។ មិនថាបុរសអ្នកមាន និងជោគជ័យយ៉ាងណានោះទេ អ្នកឆ្នាំឆ្កែ ពេលត្រឡប់មកផ្ទះវិញ នៅតែត្រៀមខ្លួនជួយប្រពន្ធការងារផ្ទះដដែល។
ពួកគេក៏អាចនឹងបោះបង់ចំណូលចិត្តផ្ទាល់ខ្លួន ដើម្បីចំណាយពេលច្រើនជាមួយក្រុមគ្រួសារផងដែរ។ ជាពិសេសបុរសឆ្នាំចមានចិត្តស្មោះស្ម័គ្រជាមួយភរិយាជានិច្ច។ ដូច្នេះហើយ បុរសដែលកើតក្នុងឆ្នាំច គឺជាឆ្នាំមួយនៃរាសីចក្រដែលស្ត្រីគួររៀបការ។
២. បុរសកើតក្នុងឆ្នាំរកា
បុរសឆ្នាំ គឺជាបុរសល្អក្នុងគ្រួសារ ពួកគេតែងតែដាក់ប្រពន្ធ និងកូនរបស់ពួកគេជាមុន គឺមានទំនួលខុសត្រូវខ្ពស់ចំពោះគ្រួសារ។ មុនពេលរៀបការ បុរសឆ្នាំមាន់នឹងព្យាយាមឱ្យអស់ពីសមត្ថភាពដើម្បីអភិវឌ្ឍអាជីពរបស់ពួកគេ។ ក្រោយពេលរៀបការ ដោយសារតែពួកគេឱ្យតម្លៃលើគ្រួសារលើសអ្វីៗទាំងអស់ បុរសក្នុងវ័យនេះនឹងកាន់តែសកម្ម និងប្រឹងប្រែងធ្វើការជាមួយនឹងគោលដៅរកប្រាក់ និងផ្តល់ជីវិតដ៏ល្អបំផុតសម្រាប់មនុស្សជាទីស្រលាញ់របស់ពួកគេ។
តុល្យភាពអាជីព និងគ្រួសារតែងតែពិបាក ប៉ុន្តែមនុស្សប្រុសឆ្នាំនេះ អាចដោះស្រាយអ្វីៗគ្រប់យ៉ាងប្រកបដោយតុល្យភាព និងល្អបំផុត។ ជាមួយពួកគេ អ្នកនឹងមានអារម្មណ៍សុវត្ថិភាពលើសលប់។ ពីពាក្យសម្ដីទៅសកម្មភាព បុរសឆ្នាំរកាមានវិធីធ្វើឱ្យមនុស្សជាទីស្រលាញ់របស់ពួកគេមានភាពកក់ក្តៅ និងសប្បាយរីករាយ។ ជាទូទៅ គេអាចនិយាយបានថានេះជាប្រភេទមនុស្សល្អធម្មតា។
៣. បុរសកើតក្នុងឆ្នាំមមី
ក្នុងចំណោមឆ្នាំទាំង ១២ មនុស្សឆ្នាំមមីត្រូវបានគេដឹងថា ជាមនុស្សដែលស្រលាញ់ស្មោះបំផុត។ ពួកគេតែងតែយកចិត្តទុកដាក់ និងស្តាប់នូវអារម្មណ៍នៅក្នុងចិត្តរបស់ដៃគូ។
មិនថាផ្លូវចិត្ត ឬផ្លូវកាយទេ បុរសឆ្នាំសេះនឹងប្រឹងអស់ពីសមត្ថភាពដើម្បីផ្គាប់ចិត្តភរិយា។ ពួកគេសុខចិត្តបាត់បង់ឱ្យតែអាចធ្វើឱ្យប្រពន្ធសប្បាយចិត្ត។ ហេតុនេះបើអ្នករៀបការជាមួយបុរសក្នុងឆ្នាំមមី ស្ត្រីជាច្រើននឹងមានសុភមង្គលពេញមួយជីវិត៕
(*) អត្ថបទនេះគឺសម្រាប់តែឯកសារយោងប៉ុណ្ណោះ!
ព័ត៌មានថ្មីៗ
