អតីតនាយករដ្ឋមន្ត្រីជប៉ុន លោក អាបេ ( Shinzo Abe ) ត្រូវបានគេលួចបាញ់សម្លាប់ ពេលកំពុងថ្លែងសន្ទរកថា
យោងតាមប្រព័ន្ធផ្សព្វផ្សាយក្នុងស្រុកបានឱ្យដឹងថា អតីតនាយករដ្ឋមន្ត្រីជប៉ុនកំពុងបង្ហាញសញ្ញាសំខាន់បន្ទាប់ពីត្រូវបានបាញ់ប្រហារនៅទីក្រុងណារ៉ាភាគខាងលិច។
អតីតនាយករដ្ឋមន្ត្រីជប៉ុន Shinzo Abe ត្រូវបានបញ្ជូនទៅកាន់មន្ទីរពេទ្យភ្លាមៗ បន្ទាប់ពីត្រូវបានគេលួចបាញ់សម្លាប់ក្នុងអំឡុងពេលលោកកំពុងតែថ្លែងសុន្ទរកថាយុទ្ធនាការមួយនៅទីក្រុង Nara ភាគខាងលិច។
ប៉ូលិសជប៉ុនបានប្រាប់សារព័ត៌មានក្នុងស្រុកថា លោក អាបេ ទំនងជាត្រូវបានគេបាញ់ពីក្រោយដោយកាំភ្លើងខ្លី នៅវេលាម៉ោងប្រហែល 11:30 ព្រឹក (02:30 GMT) ។
NHK បាននិយាយថា អ្នកយកព័ត៌មានរបស់ខ្លួននៅកន្លែងកើតហេតុបានឮ "សំឡេងដូចកាំភ្លើងផ្ទុះពីរដង" ហើយបានឃើញ Abe ហូរឈាមនិងដួលភ្លាមៗទៅលើដី។
ទូរទស្សន៍បានចាក់ផ្សាយវីដេអូដែលបង្ហាញថាលោក Abe បានដួលនៅតាមផ្លូវ ដោយមានសន្តិសុខជាច្រើននាក់រត់សំដៅមករកលោក។ អាបេឱបដើមទ្រូងពេលគាត់ដួល ដោយអាវរបស់គាត់ប្រឡាក់ដោយឈាម។
សារព័ត៌មាន Kyodo News បាននិយាយថា លោក Abe មិនបានដឹងខ្លួនទេ ហើយហាក់ដូចជាកំពុងគាំងបេះដូងថែមទៀតផង។
ទីភ្នាក់ងារនេះបាននិយាយថា អតីតនាយករដ្ឋមន្ត្រីត្រូវបានវាយប្រហារដោយបុរសមិនស្គាល់អត្តសញ្ញាណម្នាក់ នៅតាមផ្លូវក្បែរស្ថានីយ៍ Yamatosaidaiji ក្នុងទីក្រុង Nara ។
NHK ក៏បានបន្ថែមថាថា ជនសង្ស័យប្រុសម្នាក់ត្រូវបានចាប់ខ្លួន ក្រោមការសង្ស័យនៃការប៉ុនប៉ងមនុស្សឃាត។ បុរសដែលទំនងជាមានអាយុ៤០ឆ្នាំ កាន់កាំភ្លើងដែលប៉ូលិសរឹបអូស។
គួរបញ្ជាក់ថា លោក អាបេ បានកាន់តំណែងជានាយករដ្ឋមន្ត្រីជប៉ុន ចាប់ពីខែធ្នូ ឆ្នាំ ២០១២ ដល់ខែកញ្ញា ឆ្នាំ ២០២០ ដែលធ្វើឱ្យលោកក្លាយជានាយករដ្ឋមន្ត្រីដែលកាន់អំណាចយូរបំផុតរបស់ប្រទេសនេះ។
ឯកអគ្គរដ្ឋទូតសហរដ្ឋអាមេរិកប្រចាំប្រទេសជប៉ុន លោក Rahm Emanuel បាននិយាយថា លោកមានការសោកស្ដាយ និងតក់ស្លុតយ៉ាងខ្លាំងចំពោះការបាញ់ប្រហារកាលពីថ្ងៃសុក្រ។ លោកក៏បានបនថែមនៅក្នុងសេចក្តីថ្លែងការណ៍មួយថា "លោក Abe-san គឺជាមេដឹកនាំដ៏ឆ្នើមរបស់ប្រទេសជប៉ុន និងជាសម្ព័ន្ធមិត្តមិនងាករេរបស់សហរដ្ឋអាមេរិក" ។
“រដ្ឋាភិបាលសហរដ្ឋអាមេរិក និងប្រជាជនអាមេរិកកំពុងបន់ស្រន់សម្រាប់សុខុមាលភាពរបស់ Abe-san គ្រួសាររបស់គាត់ និងប្រជាជនជប៉ុន”៕
ប្រភព ៖ aljazeera.com
ព័ត៌មានថ្មីៗ
