ហោរាសាស្ត្រកំណត់ថា ក្នុងរយៈពេល ៣ ឆ្នាំខាងមុខនេះ អ្នកឆ្នាំទាំង ៤ ខាងក្រោមមានលាភសំណាងកើនឡើងជាបន្តបន្ទាប់ លុយចាយរាប់មិនអស់ ផុតគ្រោះ ជួបតែសំណាងគ្រប់ទិសទី។
១. ឆ្នាំឆ្លូវ
អ្នកឆ្នាំគោ គឺជាមនុស្សឧស្សាហ៍ព្យាយាមបំផុត។ ពួកគេធ្វើការដោយភាពក្លៀវក្លា និងផ្តល់ការខិតខំអស់ពីសមត្ថភាព។ ទោះជួបការលំបាកយ៉ាងណាក៏ដោយ ក៏គេមិនហ៊ានគិតពិបាករកដំណោះស្រាយ និងមិនព្រមចុះចាញ់វាសនាឡើយ។ ការខិតខំប្រឹងប្រែងរបស់គោ ត្រូវបានទទួលស្គាល់ដោយមនុស្សគ្រប់គ្នា។ ក្រោយមក ការងារកាន់តែសំខាន់ ដែលធ្វើឱ្យមនុស្សឆ្នាំនេះទទួលបាននូវប្រាក់ចំណេញខ្ពស់បំផុត។
អ្នកដែលធ្វើការក្នុងមុខតំណែងជាអ្នកដឹកនាំ មានទស្សនៈវិស័យ និងមានបទពិសោធន៍ច្រើន ដែលជួយពួកគេធ្វើការសម្រេចចិត្តបានត្រឹមត្រូវ នាំមកនូវអត្ថប្រយោជន៍ដ៏អស្ចារ្យដល់ក្រុម។
ដោយសារកត្តាល្អៗទាំងនេះ ឆ្នាំឆ្លូវ ត្រូវបានគេព្យាករណ៍ថា ជាសញ្ញារាសីចក្រដ៏មានសំណាងក្នុងរយៈពេល ៣ ឆ្នាំខាងមុខ។ ទ្រព្យសម្បត្តិរបស់ពួកគេកើនឡើងឥតឈប់ឈរ ជីវិតរបស់ពួកគេកាន់តែរីកចម្រើនទៅថ្ងៃអនាគត។
២. ឆ្នាំម្សាញ់
អ្នកដែលកើតឆ្នាំម្សាញ់ តែងតែឱ្យតម្លៃលើការងាររបស់ខ្លួន ហើយចង់សម្រេចបាននូវការអភិវឌ្ឍន៍ដ៏អស្ចារ្យនៅថ្ងៃអនាគត ទទួលបានទ្រព្យសម្បត្តិច្រើន និងនាំមកនូវសុភមង្គល និងវិបុលភាពដល់អ្នកជុំវិញខ្លួន។ ដូច្នេះហើយ ពួកគេតែងតែត្រៀមខ្លួនចាប់យកឱកាសភ្លាមៗ ដើម្បីអភិវឌ្ឍខ្លួន ដោយសង្ឃឹមថានឹងទទួលបានការកោតសរសើរពីថ្នាក់លើ។
ហោរាសាស្ត្រទស្សន៍ទាយថា ក្នុងរយៈពេល ៣ ឆ្នាំខាងមុខ នឹងជាឆ្នាំសំណាងសម្រាប់អ្នកកើតឆ្នាំម្សាញ់។ ជោគវាសនាមានឱកាសវិនិយោគ និងធ្វើអាជីវកម្មទទួលបានប្រាក់ចំណេញខ្ពស់។ លុយចូលហោប៉ៅកាន់តែច្រើន ជួយឱ្យឆ្នាំម្សាញ់ កាន់តែមានទំនុកចិត្ត ចាប់យកឱកាសល្អៗ និងបើកឱកាសអនាគតកាន់តែប្រសើរ។
៣. ឆ្នាំរកា
ឆ្នាំមាន់នឹងសម្រេចបាននូវជំហានអភិវឌ្ឍន៍ជាក់លាក់ពីមួយឆ្នាំទៅមួយឆ្នាំ។ ពួកគេមិនចូលចិត្តនៅនឹងកន្លែងទេ។ ថ្មីៗនេះ ឆ្នាំរកានឹងបានរកឃើញឱកាសដើម្បីអភិវឌ្ឍសក្តានុពលផ្ទាល់ខ្លួនរបស់ពួកគេ។ ក្នុងរយៈពេល ៣ ឆ្នាំខាងមុខ អ្នកនឹងឡើងដូចខ្លែងក្នុងខ្យល់។ មនុស្សឆ្នាំរកា ចេះចាប់យកឱកាសដ៏កម្រ ដើម្បីបង្កើនទ្រព្យសម្បត្តិទ្វេដង។ ម្យ៉ាងទៀតឆ្នាំរកា មិនចាំបាច់ខ្វល់ខ្វាយពីមនុស្សតូចតាចដែលមានគម្រោងនឹងគេឡើយ។
៤. ឆ្នាំមមី
ឆ្នាំសេះជាសញ្ញារាសីចក្រសំណាងមួយ ដែលព្រះនៃទ្រព្យសម្បត្តិអាចទទួលបានជោគជ័យយ៉ាងងាយជាងមនុស្ស។ អ្នកប្រកបអាជីវកម្ម ទទួលបានការទុកចិត្តពីអតិថិជន ដៃគូសហការប្រព្រឹត្តទៅដោយរលូន។ វិនិយោគិនក៏ស្វែងរកគម្រោងល្អដែលនាំមកនូវប្រាក់ចំណេញខ្ពស់។
អ្នកដែលមានប្រាក់ខែ ឧស្សាហ៍ព្យាយាម មិនខ្លាចការលំបាក ដូច្នេះហើយ ពួកគេត្រូវបានថ្នាក់លើ និងសហការីជឿទុកចិត្ត។ ឆ្នាំសេះតែងទទួលបានមុខតំណែងសំខាន់ៗដោយនាំយកប្រាក់ចំណេញច្រើនដល់ក្រុមហ៊ុន និងខ្លួនគាត់។ នៅពេលអនាគតដ៏ខ្លីខាងមុខនេះ ឆ្នាំសេះប្រាកដជាចាប់យកឱកាសក្នុងការតម្លើងប្រាក់ខែ និងតម្លើងឋានៈដោយងាយស្រួល៕
* អត្ថបទសម្រាប់ជាឯកសារយោងប៉ុណ្ណោះ!