មនុស្សស្រីច្រើនគ្នាហើយជួប! នេះមូលហេតុនិងវិធីព្យាបាលមុនខ្នង ដែលអ្នកត្រូវដឹង
មុនខ្នងជាបញ្ហាប្រឈមដ៏ចម្បងមួយ ដែលមនុស្សជាច្រើនបានជួបប្រទះ។ វាប៉ះពាល់ខ្លាំងណាស់ ជាពិសេសសម្រាប់នារីៗដែលនិយមចូលចិត្តការពាក់អាវវាលខ្នង ដោយវាបានរាំងស្ទះការបង្ហាញភាពដ៏ស៊ិចស៊ីនៃសាច់ខ្នងខាងក្រោយនោះបាន។
តើមូលហេតុអ្វីទៅបណ្តាលឲ្យកើតមានមុនខ្នង?
យោងតាមគ្រូពេទ្យជំនាញរោគសាលស្បែក បានឲ្យដឹងថា ខ្នងជាកន្លែងដែលងាយនឹងបើកញើសច្រើនបំផុត។ ដូច្នេះហើយបរិមាណនៃបាក់តេរី មេរោគជាច្រើនងាយនឹងមកប្រមូលផ្តុំនៅទីនេះ ហើយវាគួបផ្សំនឹងភាពកខ្វក់ចេញពីសំលៀកបំពាក់ផង អ៊ីចឹងគឺងាយនឹងនាំឲ្យកើតមានយ៉ាងឆាប់រហ័ស ពេលផ្អាប់ជាមួយញើស។
ការផលិតលើសនៃក្រពេញ Sebaceous នាំឲ្យស្ទះរន្ធញើស បូកផ្សំនឹងកត្តាមួយចំនួនផ្សេងទៀតដូចជាស្រ្តេស ភាពតានតឹង សម្ពាធខ្លាំងពេកដោយសារការងារ គ្រួសារ ផ្លូវចិត្ត ក៏វាជាមូលហេតុនាំឲ្យកើតមុនលើខ្នងនេះផងដែរ។
វិធីព្យាបាលមុនខ្នង៖
ការព្យាបាលដោយឆាប់ទទួលបានប្រសិទ្ធភាពបំផុត ក្នុងករណីដែលមុនខ្នងនោះ ស្ថិតនៅសភាពស្រាល ពុំមានស្នាមកន្ទួលក្រហមឡើងធំឬរីករាលដាលច្រើន ពោលត្រឹមតែជាស្នាមខ្មៅតូចៗ ឬក្រហមស្រាលៗ គឺវាងាយនឹងព្យាបាលជាសះស្បើយទេ។
វិធីសាមញ្ញបំផុត គឺ ជ្រើសរើសយកចំណិតក្រូចឆ្មារដែលហាន់រួច មកដុសខាត នៅលើស្បែកឬទីតាំងដែលមានបញ្ហាមុន។ ទម្លាប់ធ្វើបែបនេះប្រហែល ២ ទៅ ៣ ដង/សប្តាហ៍។
វិធីមួយផ្សេងទៀតគឺប្រើប្រាស់ប្រេងអូលីវ ក៏អាចព្យាបាលមុនខ្នង ហើយថែមទាំងផ្តល់សំណើមដល់ស្បែកទៀតផង។ ស្រីៗអាចប្រើប្រាស់ប្រេងអូលីវ ដោយយកវាមកលាបលើស្បែកដែលមានបញ្ហាមុននោះ ទុកចោលរយៈពេល ១៥ ទៅ ២០ នាទីសឹមលាងទឹកចេញ។
វិធីចុងក្រោយគឺ ការប្រើប្រាស់ទឹកឃ្មុំ ដោយវាអាចព្យាបាលស្នាមក្រហមលើស្បែ ដូច្នេះយកវាមកលាបលើស្បែកដូចប្រេងអូលីវដែរ ហើយបើអាចម៉ាស្សាថ្នមៗគឺកាន់តែល្អ ទុកចោល ១៥ ទៅ ២០ នាទីសឹមលាងទឹកចេញជាការស្រេច៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
