ជៀសឲ្យបាន! ប្រយ័ត្នថ្លើមបែកម៉ត់ដូចតៅហ៊ូស្អុយ ដោយសារទម្លាប់លូកអាហារ ៣ នេះ
បើតាមការចុះផ្សាយពីសារព័ត៌មានក្រៅស្រុក បានឲ្យដឹងថា បុរសវ័យ ៧២ ឆ្នាំនៅក្នុងប្រទេសចិន មានឈ្មោះ Wang បានទទួលមរណភាព ដោយសារជំងឺមហារីកថ្លើមដោយមិនដឹងខ្លួន។
ប្រភពបានឲ្យដឹងថា ដើមឡើយស្ថានភាពរាងកាយលោកចុះខ្សោយម្តងបន្តិច តែចេះតែបណ្តែតបណ្តោយដោយធ្ងន់ធ្ងរ បានព្រមមកពិនិត្យ។ គួបផ្សំនឹងអាយុកាន់តែជរាផង ស្ថានភាពជំងឺមហារីកថ្លើម ដែលទើបតែរកឃើញ ក៏ព្យាបាលមិនទាន់ពេលនោះដែរ។ ក្រោយការសួរនាំពីសមាជិកគ្រួសារ ពាក់ព័ន្ធនឹងរបបអាហារដែលលោកទទួលទាន គឺមានភេសជ្ជៈនិងអាហារទាំង ៣ ខាងក្រោម ដែលលោក Wang លូកជាប្រចាំ៖
៣) ភេសជ្ជៈមានជាតិអាកុល
ជាការពិតភេសជ្ជៈមានជាតិអាកុល គឺមានអេតាណុលច្រើន ដែលសារធាតុនេះនឹងត្រូវបំបែកដោយថ្លើម កើតជា acetaldehyde ដែលជាសារធាតុពុលបង្កគ្រោះថ្នាក់ដល់សរីរាង្គជាច្រើន។ ដូច្នេះការទទួលទានស្រាជាប្រចាំ អាចបណ្តាលឲ្យអ្នកកើតជំងឺរលាកថ្លើមរ៉ាំរ៉ៃ ក្រិនថ្លើម ឬសូម្បីតែមហារីកថ្លើម។
២) អាហារដុត មានផ្សែងច្រើន
អាហារដុតដែលមានជាតិផ្សែងហុយមកច្រើន ឬជាប់កម្លោចខ្លោចច្រើនលើអាហារទាំងអស់នោះ ក៏មិនល្អដែរ ដោយសារតែសារធាតុទាំងអស់ វាធ្វើឲ្យប៉ះពាល់មកកាន់ប្រព័ន្ធរំលាយអាហារ ហើយយូរទៅអាចបណ្តាលឲ្យកើតជំងឺមហារីកថ្លើម។
ដូច្នេះអាហារដែលឆ្លងកាត់ការដុត ត្រូវធានាថាស្ថិតនៅសីតុណ្ហភាពមិនទាបពេក មិនខ្ពស់ពេក ដល់ខ្លោច នោះគឺមិនល្អឡើយ ជាពិសេសអាហារដែលឆ្លងកាត់ការប្រើប្រាស់ធ្យូងដុតកម្លោចពីក្រោម ដូចជាប្រភេទសាច់អាំង BBQ ជាដើម។
១) អាហារដុះផ្សិត
អាហារដែលទុកចោលយូរ ឡើងផ្សិត នោះវានឹងមានផ្ទុកសារធាតុ Aflatoxi ដែលវាមិនមែនជាជាតិពុលកម្រិតស្រាលនោះទេ នេះវាធ្ងន់ធ្ងរ អាចជាមូលហេតុនាំឲ្យអ្នកកើតជំងឺក្រិនថ្លើម និងមហារីកថ្លើមក្នុងរយៈពេលខ្លី បើបន្តទទួលទានវាញឹកញាប់។
គួរបញ្ជាក់ថា សារធាតុ Aflatoxin ត្រូវបានគេរកឃើញដំបូងបង្អស់ នៅកសិដ្ឋានមួយកន្លែងនៅប្រទេសអង់គ្លេស កាលពីឆ្នាំ ១៩៦០។ ពលរដ្ឋជាច្រើនបានបាត់បង់ជីវិត ក្រោយតែរយៈពេលប៉ុន្មានខែ បន្ទាប់ពីទទួលទានជាតិពុលនោះចូលទៅក្នុងខ្លួន ដែលបរិភោគសណ្តែកដីមានផ្សិត។ ក្រោយៗមកទើបបញ្ហា ផ្សិត Aflatoxin ត្រូវបានគេប្រុងប្រយ័ត្នខ្លាំងទូទាំងសកលលោក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
