ចាស់មិនទាន់ទេ! ឆ្អឹងសន្លាក់ខូចអស់ហើយ មកពីអ្នកមើលរំលងអាហារទាំង ៣ នេះ
អ្វីដែលអ្នកទទួលទានរាល់ថ្ងៃ គឺជាកត្តាជះឥទ្ធិពលដល់សុខភាពរបស់អ្នក។ សុខភាពល្អ ឬអាក្រក់ ក៏អាចមកពីរបបអាហារទាំងអស់នោះដែរ។ ងាកមកក្នុងអត្ថបទនេះ សម្រាប់អ្នកចង់បានឆ្អឹង បានសន្លាក់រឹងមាំល្អ ដែលទាមទារឲ្យបំពេញជាតិកាល់ស្យូមជាចាំបាច់ អ្នកមិនគួរមើលរំលងរបស់ទាំង ៣ ខាងក្រោមឡើយ៖
៣) ទឹកដោះគោ
ជារបស់ដំបូងដែលអ្នកមិនអាចមើលរំលងបាន ដោយវាជាប្រភពនៃជាតិកាល់ស្យូមពេញទំហឹង។ មិនថាតែទឹកដោះគោធម្មតា ទឹកដោះគោជូរ ឈីស គឺសុទ្ធតែល្អចំពោះឆ្អឹង ដោយសារវាមានជាតិកាល់ស្យូមខ្ពស់ មានសារធាតុចិញ្ចឹមដល់សុខភាពឆ្អឹង និងសន្លាក់។
២) បន្លែ
បន្លែមិនសំដៅដល់បន្លែគ្រប់ប្រភេទនោះទេ តែយើងណែនាំឲ្យអ្នកបន្ថែមការទទួលទាន ខាត់ណា ស្ពៃក្ដោប និងផ្កាស្ពៃជាដើម។ វាជាប្រភពនៃវីតាមីន K កាល់ស្យូម និងសម្បូរទៅដោយសារធាតុចិញ្ចឹម ដើរតួលើកកម្ពស់សុខភាពឆ្អឹង ជាពិសេសសម្រាប់មនុស្សចាស់ និងកូនក្មេង។
១) សាច់ត្រី
សំដៅទៅត្រីសាម៉ុង ធូណា ដែលវាសុទ្ធសឹងជាប្រភពត្រីផ្តល់វីតាមីន D និងមានជាតិខ្លាញ់ល្អ ចូលរួមលើកកម្ពស់ដល់ដំណើរការជួសជុលឆ្អឹង។ វាក៏ជួយឲ្យពោះវៀនស្រូបយកជាតិកាល់ស្យូមបានល្អផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
