៥ ឆ្នាំទៅមុខ ម្ចាស់ឆ្នាំ ៤ ល្អផ្នែកទ្រព្យ សន្ធាប់ញាតិទៅណាគេអាណិតស្រលាញ់ជុំទិស
បើតាមហោរាសាស្ត្របានគន់គូរឃើញជោគជតារាសីអ្នកកើតឆ្នាំទាំង ៤ នៅរយៈពេល ៥ ឆ្នាំបន្ទាប់ទៅមុខ ដែលល្អផ្នែកទ្រព្យ មានលុយចូលដូចទឹក ហើយសន្ធាប់ញាតិ ទៅណាមកណាក៏គេស្រលាញ់រាប់អាន់ ពោរពេញដោយការអាណិតជួយជ្រោមជ្រែងឥតល្ហែ៖
អ្នកកើតឆ្នាំរកា - មាន់
ជាមនុស្សមានបុគ្គលិកលក្ខណៈស្មោះត្រង់ ដឹងពីរបៀបមើលអារម្មណ៍អ្នកដទៃ ធ្វើអ្វី និយាយស្តីអ្វី មិនចេះតែតាមចិត្តចង់ខ្លួនឡើយ។ មនុស្សនេះ នៅក្នុងអាជីពការងារការរកស៊ី ក៏មានសេចក្តីព្យាយាមណាស់ដែរ ហើយព្យាយាមចិញ្ចឹមទំនាក់ទំនង ដោយគិតថាកិច្ចប្រាស្រ័យទាក់ទងនេះ ល្អខ្លាំងណាស់ពេលទៅមុខ។
ឱកាសបត់ជីវិតផ្លាស់ទៅភាពមានបាន គឺមានច្រើនសម្រាប់ម្ចាស់ឆ្នាំរកា រីឯឧបសគ្គគឺមានតិចណាស់។ ដោយប្រើប្រាស់សមត្ថភាព អមនឹងលាភសំណាង ចូលមកដល់នៅល្បាក់ ៥ ឆ្នាំទៅមុខផង នោះផ្លូវឆ្ពោះទៅវិថីជោគជ័យ និងក្លាយជាអ្នកមាន គឺស្ថិតនៅភាគរយខ្ពស់។
អ្នកកើតឆ្នាំឆ្លូវ – គោ
នៅរយៈពេល ៥ ឆ្នាំទៅមុខ ក្រឡាអុកនៃជីវិតម្ចាស់ឆ្នាំឆ្លូវ នឹងផ្តួលអស់សត្រូវជុំទិស ហើយឫសគល់នៃទ្រព្យ ក៏ចេញជាផ្លែផ្កានាំរបស់មានតម្លៃជាច្រើនចូលមកដល់។ បើស្ថិតនៅវ័យរាងជំទង់ត្រូវចាំ ឆ្នាំគោត្រូវខំឲ្យខ្លាំង នៅ ៥ ឆ្នាំបន្ទាប់នេះ ព្រោះសញ្ញារាសីចក្រ នាំអ្នកទៅភាពមានបាន កំពុងបើកទ្វាររង់ចាំហើយ។
ពេលវេលាមកដល់ហើយ ចូរម្ចាស់ឆ្នាំឆ្លូវ ត្រៀមលក្ខណៈឲ្យបានគ្រប់គ្រាន់ ព្រោះសារនេះ អាចបានទាំងកិត្តិយស កេរ្តិ៍ឈ្មោះ សេចក្ដីរុងរឿង នាំទ្រព្យត្បុរដល់ចំណុចកំពូល។
អ្នកកើតឆ្នាំរោង – នាគ
អបទ្រព្យចង្រៃមកពីឆ្វេងក៏រលំ គ្រោះភិតភ័យមកពីស្តាំក៏រលាយ ភាយចូលមកវិញតែសំណាង តែលាភ ដល់ជីវិតម្ចាស់ឆ្នាំរោង នៅរយៈពេល ៥ ឆ្នាំបន្ទាប់។ ការលំបាកទាំងឡាយ នឹងត្រូវបានកាត់បន្ថយម្តងបន្តិចៗ ហើយអាចយកឈ្នះអស់រាល់រឿងរ៉ាវក្នុងជីវិត។
ពេលវេលាទៅមុខនេះ នឹងមានការប្រែប្រួលច្រើន តែក៏អរគុណដល់សេចក្តីខិតខំប្រឹងប្រែងរបស់ម្ចាស់ឆ្នាំរោង ពីនាយមកផងដែរ។ សំណាង ៥០ ភាគរយ បូកសមត្ថភាពដែលអ្នកបានបង្ហាញ ៥០ ភាគរយ ក៏នាំឲ្យផុតភាពស៊យ រួចចូលតែពាក្យថា "ហេង" ជាប់ខែជាប់ឆ្នាំ។
អ្នកកើតឆ្នាំជូត – កណ្ដុរ
៥ ឆ្នាំទៅមុខ សេចក្តីសុខចំរើន នឹងចូលច្រើនជាងសេចក្តីទុក្ខសម្រាប់ម្ចាស់ឆ្នាំជូត ហើយនេះក៏ជាចំណោមឆ្នាំមួយ ដែលមិនអាចមើលរំលងដែរ បើនិយាយអំពីការឡើងរាសីខ្ពស់ត្រដែត។
ភាគច្រើនជាមនុស្សឈ្លាសវៃ មានប្រាជ្ញាខ្ពស់ ហើយឆន្ទៈក្នុងកិច្ចការទាំងឡាយ ក៏ដាក់ដល់ ១២០ ភាគរយ។ ធ្វើអ្វីមិនខ្លាចលំបាកឡើយ ឲ្យតែបានផលមកចម្អែតក្រពះ និងបំពេញតម្រូវការគ្រួសារ។ ចាំតែមើលចុះ កំឡុង ៥ឆ្នាំទៅមុខ ដំណឹងល្អ នឹងចូលមកច្រើនគួរឲ្យកត់សម្គាល់សម្រាប់ម្ចាស់ឆ្នាំទី ១ នៃឆ្នាំទាំង ១២៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
