កូនៗដែលកើតនៅចំឆ្នាំទាំង ៤ ប្រៀបដូចជាព្រះបញ្ជូនមកឲ្យជួយបង្រួមទុក្ខ បង្កើតតែក្តីសុខដល់ឪពុកម្តាយ នាំលាភ នាំយីអ៊ុនឲ្យឡើង រកអ្វីក៏ឆាប់មានបាន ពោលជាកូនមាសកូនប្រាក់សម្រាប់ក្រុមគ្រួសារទាំងមូល៖ [បញ្ជាក់ នេះជាក្បួនដែលរាប់ទាំងកូនប្រុសនិងស្រី]
កូនកើតឆ្នាំថោះ - ទន្សាយ
កូនចាប់កំណើតចំឆ្នាំថោះ បើជាប្រុស រមែងឆាប់ជោគជ័យតាំងពីនៅក្មេង រួចបើជាស្រី សម្ដីសំដៅក៏ដឹងចាស់ទុំនាំឲ្យមានការស្រលាញ់ជុំទិស។ កំណើតរបស់កូនឆ្នាំថោះ ដូចមានទេវតាប្រោសឲ្យក្រុមគ្រួសារនោះ ជួបតែសំណាង គ្រាប់ខ្សាច់នៃលាភ រៀបចូលជាជួរ ពោលឪពុកម្តាយនឹងជួបតែភាពសម្បូរសប្បាយចាប់ពីក្រោយកំណើតរបស់គេ។
នេះសម្រាប់អ្នកដែលកំពុងពរពោះថ្មីថ្មោង ហើយបម្រុងនឹងសម្រាលនៅល្បាក់ឆ្នាំក្រោយ គឺជាពេលវេលាល្អណាស់ មិនថាកូនប្រុស ឬកូនស្រី នឹងនាំសិរីមង្គលចូលពេញលក្ខណៈ។
កូនកើតឆ្នាំមមី - សេះ
ចាំអង្កេតមើលចុះ កូនកើតឆ្នាំមមី តែងមានចិត្តឯករាជ្យ សេរីនិយម មានសុទិដ្ឋិនិយម មើលឃើញអ្វីក្នុងផ្លូវងាយ ផ្លូវវិជ្ជមាន មិនចូលចិត្តដាក់សម្ពាធ អម្រែកជាប់ស្មាខ្លាំងពេកទេ។ នេះក៏ជាចំណោមម្ចាស់ឆ្នាំ ដែលនាំលាភនាំជ័យ ចូលដល់ក្រុមគ្រួសារដូចគ្នា។
មិនត្រឹមតែសំណាងល្អនឹងខ្លួនឯង នេះក៏បានយឹតយោងក្រុមគ្រួសារ ឲ្យមានបាននៅពេលទៅមុខទៀតផង។ ទោះកើតក្នុងទ្រនំគ្រួសារខ្វះខាត តែចិត្តគេទូលាយ មហិច្ឆតាខ្ពស់ លំបាកមិនយូរទេ។
កូនកើតឆ្នាំរកា - មាន់
ល្អខ្លាំងសម្រាប់ឪពុកម្តាយមានប្រកបរបរអាជីវកម្ម ការបណ្តាក់ទុននានា ការដែលមានកូនកើតឆ្នាំរកា គឺដូចបន្ថែមជោគវាសនាឲ្យមានបានលឿន ដោយសាររបរទាំងអស់នោះ។ កូនដែលកើតមក នាំលាភមិនចេះតិច ហើយក្តិចចោលអស់ហើយនូវគ្រោះទាំងឡាយ ដែលគ្រួសារបម្រុងនឹងជួបប្រទះ ពោលដូចជាកងជ័យនាំមកជូនឪពុកម្តាយ។
រាសីគ្រួសារនោះ នឹងឡើងល្អ ហើយបើកចំហលាភ ក៏នាំឲ្យមានការកោតសរសើរពីសាច់ញាតិជុំទិសជុំទី។ កូនកើតឆ្នាំរកា មិនថាតែឆ្នាំ ២០០៥ ឬ ២០១៧ គឺសុទ្ធតែល្អៗដូចគ្នា ហើយបើអ្នកមានគម្រោងយកកូននៅវដ្ដ ១២ ឆ្នាំបន្ទាប់ នោះគឺ ២០២៩។
កូនកើតឆ្នាំរោង – នាគ
ព្រះសំណាងហាក់នៅជាប់ខ្លួន តាមថែរក្សាម្ចាស់ឆ្នាំរោងជានិច្ច ទើបនាំឲ្យរាសីម្ចាស់ឆ្នាំនាគ រមែងជួបលាភជួបរឿងល្អឥតឈប់ឈរ តាំងពីថ្ងៃចាប់កំណើត។ ជាពិសេសអ្នកកើតនៅថ្ងៃទី ០២,០៣,០៤,០៧ និង ០៨ គឺចំថ្ងៃល្អផ្នែកទ្រព្យ រីឯអ្នកសន្ធាប់ញាតិមានគេរាប់អានច្រើន គឺរមែងកើតចំថ្ងៃទី ០១,១០,២០ និង ៣០ ប៉ះខែណាក៏ត្រូវដែរ ឲ្យតែកើតក្នុងឆ្នាំរោង៕
ប្រភព៖ បរទេស | ប្រែសម្រួល៖ ក្នុងស្រុក