ស្រីៗគួរកត់សម្គាល់ និងប្រុងប្រយ័ត្នជាមួយនឹងសញ្ញាទាំង ៤ ក្នុងពេលមករដូវ ដែលជាការព្រមានដល់ស្បូនរបស់អ្នក
ប្រសិនបើអ្នកជួបសញ្ញាមួយក្នុងចំណោមសញ្ញាទាំងនេះ អ្នកគួរតែទៅពិគ្រោះជាមួយនឹងពេទ្យជំនាញ និង្វើការពិនិត្យឱ្យបានឆាប់បំផុត ដើម្បីចៀសវាងនូវការកើតមានបញ្ហាធ្ងន់ធ្ងរដល់ស្បូនរបស់អ្នក។
១. ហូរឈាមច្រើនពេក ឬតិចពេក
ការហូរឈាមពេលមករដូវច្រើនពេក ឬតិចពេក, វែងពេក ឬខ្លីពេក ក៏ជាការឆ្លុះបញ្ចាំងពីការពិតដែលថាអូវែរ និងស្បូនរបស់អ្នកមិនមានសុខភាពល្អ។
ជាធម្មតាថ្ងៃនៃការមករដូវរបស់មនុស្សស្រីនឹងប្រព្រឹត្តទៅក្នុងរយៈពេលប្រហែល ៣-៨ ថ្ងៃ។ ទោះយ៉ាងណាក៏ដោយ ស្ត្រីខ្លះមានរដូវតែប្រហែល ២-៣ ថ្ងៃ ខ្លះទៀតមានរយៈពេលរហូតដល់កន្លះខែ (មករដូវ) នេះគឺជាសញ្ញាបង្ហាញថារាងកាយរបស់អ្នកមិនល្អប្រសើរទេ។
អ្នកជំនាញនិយាយថា វដ្តរដូវមិនធម្មតាទេ ប្រសិនបើថ្ងៃដែលអ្នកមករដូវ មានរយៈពេលជាង ៧ ថ្ងៃឈាមច្រើនពេកដែលបណ្តាលឱ្យអ្នកផ្លាស់ប្តូរសំលីទ្រាប់ញឹកញាប់ ជារៀងរាល់ ៣ ម៉ោងម្តង។
២. ការកើតឡើងនៃការកកឈាមជាច្រើន
ប្រសិនបើមានកំណកធំលេចឡើងនោះ ក៏ជាសញ្ញាមួយដែលអ្នកត្រូវយកចិត្តទុកដាក់ផងដែរ។ នេះអាចជាសញ្ញាមួយនៃបញ្ហាសុខភាព ដូចជាសរសៃពួរស្បូន ជំងឺ endometriosisជាដើម។
៣. វដ្តរដូវមិនទៀងទាត់
ចន្លោះពេលរវាងការចាប់ផ្តើមនៃវដ្តរដូវពីរជាប់គ្នា ជាធម្មតាគឺ ២១-៣៥ ថ្ងៃ។ ប្រសិនបើការមករដូវឆាប់ពេក ឬយឺតពេកសូមពិគ្រោះជាមួយគ្រូពេទ្យជំនាញ។
គួរកត់សម្គាល់ថា ការមករដូវរបស់ស្ត្រីអាចមិនទៀងទាត់ក្នុងរយៈពេលប្រហែល 2 ឆ្នាំចាប់ពីពេលដែលវាលេចឡើងដំបូង និងរយៈពេល 3 ឆ្នាំមុនពេលអស់រដូវ។
៤. មិនមានការមករដូវអស់រយៈពេលជាយូរមកហើយ
ការមិនមករដូវដែលមានរយៈពេលយូរអាចបណ្តាលមកពីការមានផ្ទៃពោះ។ ពេលខ្លះភាពតានតឹង ការថប់បារម្ភ ការធ្វើលំហាត់ប្រាណឆាប់ពេក ឬការពន្យារកំណើតខ្លះក៏អាចរំខានដល់វដ្តរដូវរបស់អ្នកដែរ។ ពួកគេជាបណ្តោះអាសន្នហើយនឹងត្រលប់មកធម្មតាវិញនៅខែក្រោយ។
ទោះជាយ៉ាងណាក៏ដោយប្រសិនបើអ្នកមិនមានផ្ទៃពោះ មិនមានបញ្ហាទាក់ទងនឹងស្ត្រេស ឬមានបញ្ហាបរិភោគដោយគ្មានការមករដូវច្រើនខែ វាអាចជាសញ្ញានៃកម្រិតអរម៉ូនក្នុងរាងកាយរបស់អ្នកកំពុងតែមានបញ្ហា៕
ប្រភព ៖ phunutoday / ប្រែសម្រួល ៖ ភី អេក (ក្នុងស្រុក)
ព័ត៌មានថ្មីៗ
