ជីវិតម្ចាស់ឆ្នាំទាំង ៣ ដូចបង្ហាញខាងក្រោម រមែងមានភាពហត់នឿយ ត្រូវជួបរឿងរ៉ាវលំបាកច្រើន តាំងតែពីក្មេងវ័យ ខ្លះតាំងពីល្បាក់អាយុក្រោម ២០ ស្គាល់អស់ហើយឧបសគ្គ រួចបន្តមកដល់ល្បាក់អាយុ ៣០ ក៏មិនទាន់បានស្រណុកសុខស្រួលដែរ។ តែក្រោយអាយុ ៤០ ពួកគេនឹងប្រែជីវិតអាចក្លាយជាអ្នកមាន រស់លើគំនរទ្រព្យបាន៖
អ្នកកើតឆ្នាំរកា - មាន់
ជាមនុស្សរហ័សរហួន មានចិត្តល្អ តែងតែរក្សាជំហររឹងមាំ និងមានថាមពលវិជ្ជមានជាប់ខ្លួនជានិច្ច។ ទោះបីជារឿយៗ រមែងប្រឈមការលំបាកច្រើនយ៉ាងណាក៏ដោយ តែមនុស្សនេះប្រកាន់ជាប់ស្នាមញញឹម ចេះបង្កើតសេចក្តីសុខដល់មនុស្សជុំវិញខ្លួន។
ហេតុនេះ ក៏បាននាំឲ្យអ្នកមានឋានៈ មុខមាត់ខ្ពស់ជាងខ្លួន មើលឃើញពីការតស៊ូ អត់ធ្មត់ ហើយរមែងជួយជ្រោមជ្រែងដោយមិនស្ទាក់ស្ទើរចិត្តឡើយ។ អ្នកងាយនឹងរកបានលុយច្រើនចូលហោប៉ៅ អ្នកមានផ្លូវច្រើនក្នុងការបង្កើតទ្រព្យ ព្រោះអ្នកខ្លាំងខាងទំនាក់ទំនង ហើយមិនងាយមានឧបសគ្គណា មកទម្លុះជញ្ជាំងនៃភាពអត់ធ្មត់របស់អ្នកបានឡើយ។ ក្រោយអាយុ ៤០ ឆ្នាំ ចាំតែមើលចុះ សេចក្តីសុខទាំងផ្លូវកាយនិងចិត្ត ក៏ចាប់កើតមាន នាំឲ្យអ្នកស្គាល់ច្បាស់ ថាអ្វីទៅជាភាពពេញលក្ខណៈនៃជីវិតពិតប្រាកដ។
អ្នកកើតឆ្នាំស្វា - វក
ជាមនុស្សដែលចេះប្រើប្រាស់សមត្ថភាពឲ្យចំកន្លែង ឲ្យចំឱកាស ងាយនឹងកើតក្លាយជាអ្នកមានបាន។ មនុស្សនេះ ទេពកោសល្យមានហើយ ភាពជាអ្នកដឹកនាំមានហើយ នៅឡើយតែឱកាសចូលមកដល់ប៉ុណ្ណោះ ដូច្នេះបើបានឱកាសម្តងៗ គឺពួកគេព្យាយាមណាស់ មិនងាយឲ្យរំលងបានឡើយ។
ដោយសារភាពលោភលន់ ក្នុងកាលៈទេសៈខ្លះ គឺជារឿងត្រឹមត្រូវទៅវិញ សម្រាប់ម្ចាស់ឆ្នាំវក ក្នុងការចាប់យក។ ហេតុនេះ ទើបនាំឲ្យចូលល្បាក់អាយុ ៣០ ក្រាស់ ឬហៀរចូល ៤០ បន្តិច ពួកគេនឹងឃើញមានការប្រែប្រួលខ្លាំងនៃជីវភាព បើធៀបនឹងកាលល្បាក់អាយុ ២០។ ក្រៅពីទិញបានផ្ទះ ទិញបានឡាន ទៀតសោតក៏សល់លុយទិញដីជាគំនរទ្រព្យ ទុកតកូនចៅទៀតផង។
អ្នកកើតឆ្នាំឆ្លូវ – គោ
ជាមនុស្សមានចរិតម៉ឺងម៉ាត់ តែមានចិត្តទូលាយ ហើយរាល់ការធ្វើកិច្ចការងារអ្វី គឺប្រយ័ត្នប្រយែងខ្ពស់ រួចតែងតែបង្កើតអារម្មណ៍ជឿជាក់ទាំងលើខ្លួនឯង និងលើអ្នកដទៃ។ កាលនៅពីក្មេង ម្ចាស់ឆ្នាំឆ្លូវ ស៊ូរងការលំបាក រងទុក្ខ រងឧបសគ្គរាប់មិនអស់ ដែលរលកនៃបញ្ហា ក៏មានពេលវេលាកំណត់របស់វា ពោលក៏នឹងបោកបក់មកត្រឹមមុនអាយុ ៤០ ឆ្នាំ។
នៅក្រោយអាយុ ៤០ ឆ្នាំ មនុស្សនេះ អាចមានសមត្ថភាពក្លាយជាមេក្លាយជាកើយ ក្លាយជាអ្នកដឹកនាំគេ ក៏អរគុណនូវបទពិសោធន៍ដែលហែលកាត់តាំងពីអាយុជាង ២០ ស្តើង។ រក្សាភាពក្លាហាន គុណធម៌ជីវិត នោះទ្រព្យនឹងមិនខ្វះឡើយ សម្រាប់ម្ចាស់ឆ្នាំឆ្លូវ។ ចូរក្រោយអាយុ ៤០ មិនខំខ្លាំងក៏មានលុយចូលហោប៉ៅឥតឈប់ដែរ៕
ប្រភព៖ បរទេស | ប្រែសម្រួល៖ ក្នុងស្រុក