ភេសជ្ជៈ ៥ ទទួលទានពេលព្រឹក ដូចឱសថទិព្វអាចបន្សាបជាតិពុល ស្រកទម្ងន់ បញ្ចៀសជំងឺ
ត្រឹមទឹកតែម្យ៉ាងមិនទាន់គ្រប់គ្រាន់នោះទេ ដើម្បីជួយឲ្យសុខភាពរាងកាយដំណើរការកាន់តែល្អ អ្នកគួរតែទទួលទានភេសជ្ជៈខាងក្រោមទាំង ៥ នេះនៅពេលព្រឹក៖
៥) ទឹកក្រូចឆ្មារ
ទទួលទានទឹកក្រូចឆ្មារជាមួយទឹកក្ដៅឧណ្ហ៍ៗ នៅពេលព្រឹកព្រលឹម មិនត្រឹមតែជួយឲ្យអារម្មណ៍ស្រស់ស្រាយ ការពារអាការៈឈឺក្បាលប៉ុណ្ណោះទេ ទៀតសោតក៏ជួយឲ្យស្បែកភ្លឺថ្លា និងស្រកទម្ងន់យ៉ាងមានប្រសិទ្ធភាពផងដែរ។
៤) ទឹកដូង
ទឹកដូងគឺជាភេសជ្ជៈដែលមានជាតិវីតាមីន និងសារធាតុរ៉ែជាច្រើន វាជួយឲ្យរាងកាយមានតុល្យភាព បង្កើនថាមពល និងកម្ចាត់ជាតិពុលពីក្នុងខ្លួន។ ពេលវេលាល្អបំផុតក្នុងការទទួលទានទឹកដូង គឺនៅពេលព្រឹក ពេលពោះទទេ។
៣) តែរមៀត
តែរមៀតមានផ្ទុកនូវសារជាតិ Curcumin ដែលផ្តល់ប្រយោជន៍ជាច្រើនចំពោះសុខភាព។ វាជួយកាត់បន្ថយការរលាក បន្ថែមភាពសុាំដល់រាងកាយ និងការពារជំងឺឈឺសន្លាក់ មហារីកជាដើម។
២) តែខ្ញី
តែខ្ញីល្អបំផុតសម្រាប់អ្នកមានបញ្ហាក្រពះ ហើយជួយបំបាត់ការឈឺចុកចាប់ពោះ។ ដើម្បីធ្វើតែខ្ញី អ្នកអាចប្រើប្រាស់ខ្ញីស្រស់ មកលាយក្នុងទឹកដាំពុះ ៥ នាទី ហើយលើកមកទទួលទានជាការស្រេច។
១) ទឹក Aloe Vera
ទឹកប្រទាលកន្ទុយក្រពើ ត្រូវបានគេប្រើជាញឹកញាប់ ដើម្បីព្យាបាលបញ្ហាស្បែកដែលត្រូវកំដៅថ្ងៃច្រើន។ យ៉ាងណាវាក៏ល្អចំពោះបញ្ហាក្រពះថែមទៀតផង ដោយសារតែប្រទាលកន្ទុយក្រពើ មានលក្ខណៈប្រឆាំងនឹងការរលាក ហើយជួយដល់ប្រព័ន្ធរំលាយអាហារឲ្យដំណើរការល្អ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
