ក្នុងផ្ទះអ្នកមានអត់? សមាជិកកើតឆ្នាំ ៣ នេះ ជាឆ្នាំហៅទ្រព្យប្រចាំខែឧសភា
តាមហោរាសាស្រ្តបានឲ្យដឹងថា នៅកំឡុងខែឧសភា ជាខែខាងមុខ ប្រសិននៅផ្ទះរបស់អ្នក មានសមាជិកកើតឆ្នាំ ១ ក្នុងចំណោមឆ្នាំទាំង ៣ ដូចបង្ហាញខាងក្រោម នឹងទទួលបានលាភសំណាង រួចថែមទាំងលើកយីអ៊ុនមនុស្សជុំវីញ ឲ្យជួបតែរឿងល្អថែមទៀតផង។ តើមានប៉ះឆ្នាំសមាជិកក្នុងគ្រួសារអ្នកដែរឬទេ? បើមានក៏កុំភ្លេចជូនសារនេះទៅកាន់ពួកគេឲ្យបានដឹងផង៖
អ្នកកើតឆ្នាំឆ្លូវ - គោ
មនុស្សដែលកើតឆ្នាំឆ្លូវ ភាគច្រើនជាមនុស្សឆ្លាតនិងពូកែ ហើយពួកគេចេះបត់បែន និងសម្របខ្លួនបានល្អទៅតាមកាលៈទេសៈ។ រាល់ពេលជួបបញ្ហា មនុស្សនេះមិនងាយបាក់ទឹកចិត្តទេ ពោលរមែងអាចដោះស្រាយបញ្ហាទាំងនោះបានដោយភាពការប្រើអារម្មណ៍ស្ងប់ស្ងាត់។
យ៉ាងណាពេលវេលាហៅទ្រព្យរបស់អ្នកបានចូលមកដល់ហើយ ក្នុងកំឡុងពេល ១ ខែពេញ នៃខែឧសភា គឺពេញទំហឹងតែម្តងសម្រាប់អ្នកកើតឆ្នាំឆ្លូវ។ ជីវិតពួកគេនឹងល្អប្រសើរឡើង រួមទាំងសមាជិកក្រុមគ្រួសារ តែត្រូវចាំចេះគ្រប់គ្រងការចំណាយឲ្យបានច្បាស់លាស់ផង។
អ្នកកើតឆ្នាំខាល - ខ្លា
ជាមនុស្សដែលមានទេពកោសល្យ និងសមត្ថភាពពីកំណើត។ មនុស្សនេះឆ្លាតនិងមោះមុតខ្លាំងណាស់ ហើយការបង្កើតទំនាក់ទំនងជាមួយអ្នកដទៃក៏ធ្វើទៅបានល្អណាស់ដែរ។
នាពេលដ៏ខ្លីខាងមុខ ជាពិសេសចាប់ពីសប្តាហ៍ថ្មីតទៅ ឱកាសកើបទ្រព្យរបស់អ្នកកើតឆ្នាំខាលនឹងមានច្រើន ហើយបើអ្នករកស៊ីជំនួញធំវិញ ក៏នឹងទទួលបានកិច្ចសន្យាដែលអាចបង្កើតផលចំណេញរាប់មុឺនដុល្លារសម្រាប់ពួកគេ ល្មមអាចសល់លុយទិញផ្ទះ ទិញឡានប្តូរសេរ៊ីថ្មីផ្អើលបងប្អូន។
អ្នកកើតឆ្នាំរកា - មាន់
ជាមនុស្សដែលស្មោះត្រង់ ចិត្តល្អ ហើយរួសរាយរាក់ទាក់ខ្លាំងណាស់។ លក្ខណៈពិសេសនៃបុគ្គលកើតឆ្នាំរកា គឺរមែងមានចិត្តល្អ ធ្វើអំពើល្អជាមួយគេរាល់គ្នា។ ប្រសិនបើឃើញនរណាជួបបញ្ហានៅនឹងភ្នែក បើពួកគេមានលទ្ធភាពអាចជួយបាន គឺពួកគេមិនរុញរានឹងជួយឡើយ។
មកដល់កៀកពាក់កណ្តាលឆ្នាំ ២០២៣ ជាខែឧសភា ក៏ដល់ពេលវេលាសម្រាប់អ្នកកើតឆ្នាំរកាផងដែរ ក្នុងការកើបទ្រព្យសម្បត្តិជាច្រើន។ រាល់កិច្ចការងារ ឬដាក់ផែនការណ៍ធ្វើអ្វីថ្មីក្នុងជីវិត ក៏នឹងរមែងទទួលបានជោគជ័យជានិច្ច។ ដូច្នេះបើក្នុងផ្ទះអ្នកមានសមាជិកកើតឆ្នាំទាំង ៣ ដូចរៀបរាប់ពីខាងលើ នោះយើងសូមចូលរួមអបអរសាទរផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
