ស្លឹកជីអង្កាម ផ្សំរបស់ធម្មជាតិ ៣ នេះ អាចលាងជាតិពុលក្នុងថ្លើម និងសម្រកទម្ងន់ឆាប់រហ័ស
ទឹកក្រូចឆ្មារ និងទឹកឃ្មុំ មិនត្រឹមតែអាចបន្ថែមសារធាតុចិញ្ចឹមសំខាន់ៗដល់រាងកាយប៉ុណ្ណោះទេ ទៀតសោតវាក៏ជួយសម្រកទម្ងន់ ហើយបើចង់បានប្រសិទ្ធភាពឆាប់រហ័ស Knongsrok ណែនាំឲ្យមកអនុវត្តវិធីខាងក្រោម៖
គ្រឿងផ្សំត្រូវមាន ដូចជា ក្រូចឆ្មា ១ ផ្លែ ក្រូចកន្លះផ្លែ ស្លឹកជីអង្កាមស្រស់មួយក្តាប់តូច ទឹក ១ លីត្រ និងទឹកឃ្មុំសុទ្ធ ១ ពែងតូច។
វិធីធ្វើ៖
ចាក់ទឹកចូលក្នុងឆ្នាំង ហើយដាំឲ្យពុះ រួចបន្ថែមស្លឹកជីអង្កាម ដោយចម្អិនចោលប្រហែល ៥ នាទី រួចមកបិទភ្លើង និងទុកទឹកដល់ត្រជាក់។
បន្ថែមទឹកក្រូចឆ្មារ និងទឹកក្រូចស្រស់ បន្តិចចូលទៅក្នុងទឹកជីអង្កាម រួចបន្ថែមទឹកឃ្មុំបន្តិច ដើម្បីយករសជាតិ (តាមចំណូលចិត្តបើចង់បានផ្អែម ឬរាងជូរ)។ អ្នកអាចទទួលទាន ជាលក្ខណៈក្តៅ ក៏បាន ត្រជាក់ក៏បាន។
អត្ថប្រយោជន៍៖
បើតាមការឲ្យដឹងពីវេជ្ជបណ្ឌិតនៅឯប្រទេសវៀតណាម អត្ថប្រយោជន៍បានពីការផ្សំជីអង្កាម ទឹកក្រូចឆ្មារ ទឹកក្រូច និងទឹកឃ្មុំ បង្កើតជាភេសជ្ជៈដូចខាងលើ គឺវាអាចបន្សាបជាតិពុលនៃថ្លើម ធ្វើឲ្យរាងកាយស្រស់ស្រាយ បញ្ចុះកម្តៅ និងមានផាសុកភាព។
អ្វីដែលសំខាន់ វាមានក្លិនក្រអូប ប្រហើរ បំបាត់ភាពតានតឹង កម្ចាត់អាការៈឈឺក្បាល ធ្វើឲ្យប្រសើរឡើងនូវប្រព័ន្ធរំលាយអាហារ ព្យាបាលការឈឺពោះ ប្រឆាំងនឹងការរមាស់ ជួយសម្រកទម្ងន់ឆាប់រហ័ស ជាងការប្រើប្រាស់ទឹកក្រូចឆ្មារ និងទឹកឃ្មុំធម្មតា៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
