បើតាមហោរាសាស្ត្រទស្សន៍ទាយមកថា នៅរយៈពេល ១០ ថ្ងៃចុងក្រោយនៃខែមេសា ពោលចន្លោះថ្ងៃទី ២០ ដល់ ៣០ មេសា ជីវិតម្ចាស់ឆ្នាំទាំង ៣ ដូចបង្ហាញខាងក្រោម នឹងមានដំណឹងល្អចូលជុំទិស បើកទ្វារមុខក៏ឃើញសំណាង បើកទ្វារខាងក្រោយក៏ឃើញលាភ រីឯកករនៃគ្រោះក៏រលាយបាត់អស់ទៅ៖
អ្នកកើតឆ្នាំរោង – នាគ
តាមជើងលេខ នៅរយៈពេល ១០ ថ្ងៃចុងក្រោយ នៃខែមេសាឆ្នាំ ២០២៣ ម្ចាស់ឆ្នាំរោង ដែលប្រទះការលំបាក បញ្ហាច្រើនកាលពីដើមខែ ក៏នឹងផ្លាស់មករសាត់សល់តែសំណាង ហើយខ្សែជីវិតហោះខ្ពស់ ដូចខ្លែងដាច់ខ្សែឡើងទៅលើ។
បើមនុស្សចេះចាប់យកឱកាសទាន់ពេល នោះនឹងអាចសល់លុយកាក់ចាយពេញដៃ នៅចន្លោះ ១០ ថ្ងៃនេះ ពោលចំណូលមួយខែពេញប្រហែលមិនអាចប្តូរបានឡើយ។ គ្រប់យ៉ាងនឹងដំណើរការល្អ ជាពិសេសផ្នែកហិរញ្ញវត្ថុ ខណៈរឿងរ៉ាវស្នេហា ទាមទារឲ្យមានការអត់ធ្មត់បន្តិច បើមិនចង់មានភាពល្អក់កករនឹងដៃគូ។
អ្នកកើតឆ្នាំមមែ - ពពែ
ជាមនុស្សស្លូតបូត រស់នៅដោយកតញ្ញុតាធម៌ ដឹងគុណឪពុកម្តាយ នេះក៏ជាហេតុជួយឲ្យជីវិតគេ រមែងមានភាពចម្រុងចម្រើនតទៅមុខរហូតដែរ។ មនុស្សឆ្នាំមមែ យកចិត្តទុកដាក់ ដឹងទុក្ខធុរៈអ្នកដទៃ ពោលឃើញគេលំបាក ខ្លួននៅមិនសុខឡើយ។
ទាំងអស់នេះ ជាផលនៃបុណ្យ ក៏តបស្នងមកឲ្យបុគ្គលកើតឆ្នាំពពែ បានជួបរឿងល្អចន្លោះពេលខ្លី នៅដំណាក់កាលថ្ងៃទី ២០ ដល់ ៣០ មេសា។ សំណាងធំប៉ុនដំរី មិនថាជាបុរសឬស្រ្តី នឹងទទួលបានស្មើគ្នា ដោយនាំទ្រព្យសម្បត្តិចូលផ្ទះជាហូរហែ។
អ្នកកើតឆ្នាំច – ឆ្កែ
ជាមនុស្សរឹងមាំ មានការតាំងចិត្តខ្ពស់ ហើយតែងតែរកគ្រប់ច្រកល្ហកដើម្បីឲ្យជីវិត អាចជួបរឿងល្អ ពោលចង់បានភាពពេញលេញ មានហូប មានប្រើ រស់នៅស្រួលដូចគេឯទៀត។ ដ្បិតបើកើតមកលំបាក កើតមកក្នុងគ្រួសារអ្នកអត់ តែការខិតខំ លាយឡំសំណាង ក៏បានចូកចែវឲ្យម្ចាស់ឆ្នាំច អាចឆាប់ដល់ត្រើយនៃសុខលឿនជាងឆ្នាំដទៃ។
មកមើលសញ្ញារាសីចក្រនៅចន្លោះ ១០ ថ្ងៃចុងក្រោយ នាខែមេសានេះវិញ ម្ចាស់ឆ្នាំច នឹងអាចបត់ជីវិតនឹកស្មានមិនដល់ ទាំងការងារ ឬរបររកស៊ីមិនត្រឹមមានស្ថិរភាព តែក៏នឹងបានកើនចំណូល កើនចំណេញខ្ពស់ជាងមុន។ សន្តិភាពផ្លូវចិត្ត ផ្លូវកាយ ចាប់ផ្តើមកើតមានហើយ នាំឲ្យផ្ទុះការកោតសរសើរ ពីមនុស្សជុំវិញខ្លួន៕
ប្រភព៖ បរទេស | ប្រែសម្រួល៖ ក្នុងស្រុក