តាមហោរាសាស្រ្តទស្សន៍ទាយមកថា ស្រ្តីដែលកើតនៅឆ្នាំទាំង ៤ ខាងក្រោម រមែងមានជោគជតារាសីខ្ពស់ត្រដែត ហើយជីវិតពេលចាស់ទៅ អាចមានសុភមង្គលពេញលេញ និងទ្រព្យមូលដូចម៉ាស៊ីនបោះពុម្ពលុយ បើទោះបីកាលពីក្មេងវ័យ រងភាពហត់នឿយខ្លាំង និងជួបប្រទះបញ្ហាជីវិតច្រើនក៏ដោយ៖
ស្រ្តីកើតឆ្នាំរកា - មាន់
ច្រើនតែជាមនុស្សស្រី ដែលចូលចិត្តភាពស្ងប់ស្ងាត់ និងសន្តិភាពផ្លូវចិត្ត នាងក៏ជាមនុស្សស្លូតបូត ឧស្សាហ៍ព្យាយាម ហើយតែងតែមិនធុញទ្រាន់នឹងការប្រឈមមុខចំពោះបញ្ហាដែលត្រូវជួបប្រទះ។ ជាងនេះក៏ជាមនុស្សស្រី ដែលចេះយកអាសារអ្នកដទៃ នាំឲ្យទទួលបានការសាទរ និងគោរពពីស្រលាញ់ពីចាស់ទុំជុំវិញខ្លួន។
ម្ចាស់ស្រីឆ្នាំរកា ក៏ទទួលបានពរជ័យជាច្រើនក្នុងជីវិត ជួយឲ្យនាងអាចយកឈ្នះអស់ការលំបាក អស់ឧបសគ្គទាំងឡាយ។ ចំណាំមើលទៅ បើជួបរឿងលំបាក ក៏ជួបមិនយូរដែរ ហើយតែងតែមានលាភរត់កាត់ចូលមកវិញ។ អាយុចូលរាងចំណាស់ ៣០ ក្រាស់ចូល ៤០ នាងក៏ដល់វ័យសោយសុខជាបណ្តើរៗ ហើយភាពសម្បូរសប្បាយក៏ចាប់កើតមាន។
ស្រ្តីកើតឆ្នាំថោះ - ទន្សាយ
ជាស្រ្តីមានអត្តចរិតស្លូតបូត មិនឆ្មើងឆ្មៃ មិនចេះមើលបន្ទាបតម្លៃអ្នកដទៃ។ តែយ៉ាងណាមនុស្សនេះ ធ្វើអ្វីរាងយឺតបន្តិច មិនសូវជារហ័សពេកទេ ក៏ប៉ុន្តែនាងចេះបត់បែន និងព្យាយាមសម្របតាមកាលៈទេសៈដែលជួបប្រទះ។
បុរសជាច្រើន តែងតែបាក់ចិត្តមកលើនាងមុន ដ្បិតនាងមិនសូវចេះសម្តីផ្អែម តែប្រៀបដូចជាធម្មជាតិកំណត់មក នាំឲ្យនាងមានបុរសជាច្រើនតាមក្រវែលចង់បានជាគូអនាគត។ យ៉ាងណាមនុស្សស្រីកើតឆ្នាំថោះ ក្រោយពីរៀបការហើយ គឺត្រូវបានស្វាមីឲ្យតម្លៃ និងគោរពស្រលាញ់ខ្លាំងបំផុត វាប្រៀបដូចជាសំណាងដ៏ធំមួយ តែក៏អរគុណដល់ភាពស្មោះត្រង់ និងការចេះទុកដាក់ដ៏ល្អរបស់នាងដែរ ទើបនាំឲ្យគ្រួសារមួយនោះ អាចចម្រុងចម្រើនឡើងជាដរាប។
ស្រ្តីកើតឆ្នាំខាល – ខ្លា
រមែងជាស្រ្តីដែលមានភាពរឹងមាំ ឈ្លាសវៃ មានឆន្ទៈខ្ពស់ មានភាពជាអ្នកដឹកនាំ តាំងតែពីកំណើត។ មនុស្សនេះ បើដាក់គោលដៅថាធ្វើអ្វីហើយ ទោះមានអ្នកដទៃមកឃាត់មកឃាំង ក៏ពិបាកនឹងបញ្ឈប់នាងបានដែរ។
ធំធាត់ទៅបន្តិច មនុស្សស្រីកើតឆ្នាំខាល គឺឈ្លាសវៃអាចឆាប់រកបានចំណូលចេញពីញើសឈាមរបស់ខ្លួនឯង ហើយថែមទាំងប្រៀបដូចគ្រាប់ពេជ្រ អាចជួយជ្រោមជ្រែងមនុស្សជុំវិញខ្លួនឲ្យមានភាពធូរធារដូចជាខ្លួនដែរ។ ចំណាំមើលទៅមនុស្សស្រីកើតឆ្នាំខាល ពេលឡើងទ្រនំខ្ពស់ ក៏មិនចេះភ្លេចកំណើតនៅទីទាប។
ស្រ្តីកើតឆ្នាំជូត – កណ្តុរ
រមែងកើតចំគ្រួសារមានទ្រព្យស្រាប់ បើមិនមានខ្លាំង ក៏នៅកម្រិតមធ្យមដែរ។ តែយ៉ាងណានាងមិនបានពឹងផ្អែកទាំងស្រុងលើទ្រព្យឪពុកម្តាយឡើយ ដោយនាងចេះខិតខំ ចេះរកវិធីដុសខាតជីវិតខ្លួនឯងឲ្យជោគជ័យតាមរបៀបខ្លួនឯង។
ក្រោយឈានដល់ជីវិតអាពាហ៍ពិពាហ៍មនុស្សស្រីឆ្នាំជូត នឹងប្រៀបដូចក្រឡមាសផ្តល់ឲ្យស្វាមី ព្រោះនាងចេះមើលទុក្ខធុរៈម្តាយឪពុកក្មេក មើលថែក្រុមគ្រួសារបានយ៉ាងល្អ ដែលនេះទ្រព្យវាល់លានក៏មិនអាចប្តូរបានដែរ។ អ្វីដែលពិសេសរាសីរបស់នាង ហាក់ដូចជួយលើករាសីប្តី ឲ្យអណ្តែតបង្កើតជាលុយចូលឆឹបៗជារៀងរាល់ថ្ងៃ៕
ប្រភព៖ បរទេស | ប្រែសម្រួល៖ ក្នុងស្រុក