ផ្លែឈើដែលចូលចិត្ត ក៏អាចទាយពីចរិតលក្ខណៈពិតរបស់អ្នករើសបានដែរ តោះ! សាករើសមួយទៅ សឹមចូលអានចម្លើយពិត
សួស្តីប្រិយមិត្តនៃគេហទំព័រ Knongsrok ថ្ងៃនេះយើងនាំវិធីធ្វើតេស្តចិត្តសាស្ត្រ មួយទៀតមកឲ្យប្រិយមិត្តពិនិត្យមើលការគិត និងបុគ្គលិកលក្ខណះពិតខ្លួនឯង តាមរយៈការជ្រើសរើសផ្លែឈើមួយនៅក្នុងរូបដែលអ្នកចូលចិត្តបំផុត ហើយអានចម្លើយពិតរបស់អ្នកនៅខាងក្រោម ។
ផ្លែមង្ឃុត
អ្នកជាមនុស្សស្លូតបូត និងមិនចេះរឿងច្រើនឲ្យគេពិបាកដោយសារខ្លួនទេ ក្នុងចំណោមមិត្តភ័ក្ដិអ្នកជាមនុស្សសាមញ្ញបំផុត មិនរើសច្រើនចាប់តាំងពីការហូបចុកឡើង មានអីញ៉ាំហ្នឹងអាចសម្របខ្លួនបានគ្រប់កាលៈទេសៈ ។
អ្នកជាមនុស្សមិនចូលចិត្តបញ្ចេញមតិអ្វីទាំងអស់ ជាមនុស្សកណ្តាលមិនលំអៀង បើនៅពេលថ្ងៃឈប់សម្រាកគ្មានការណាត់ជួប អ្នកនឹងជ្រើសរើសស្នាក់នៅផ្ទះពេញមួយថ្ងៃ ឬបើមានការណាត់ជួបអ្នកក៏ចេះប្រកាន់ច្រើនឲ្យគេមកទទួល ឬត្រូវជូនគេទៅផ្ទះនោះទេ ។
ផ្លែប៉ោម
អ្នកគឺជាមនុស្សត្រង់និងស្ងប់ស្ងាត់ ដូច្នេះមនុស្សដែលមិនស្គាល់អាចគិតថាអ្នកឬក ក្រអឺតក្រទម ហើយគ្មាននរណាម្នាក់ហ៊ានចូលក្បែរមកនិយាយជាមួយអ្នកទេ ប៉ុន្តែប្រសិនបើបានស្គាល់អ្នកច្បាស់ ពួកគេប្រាកដជាចូលចិត្តភាពស្មោះត្រង់របស់អ្នក ។
តាមពិតអ្នកជាមនុស្សល្អ ស្មោះត្រង់ ខុសថាខុសត្រូវថាត្រូវ ម្ល៉ោះហើយពួកដែលស៊ីជោរមិនសូវចូលចិត្តអ្នកប៉ុន្មានទេ តែបើមិត្តភ័ក្តជិតស្និទ្ធនឹងដឹងថាអ្នកអាក្រក់តែមាត់ទេ តែទឹកចិត្តស្មោះសរគ្មានល្បិចកលឡើយ ។
ផ្លែគីវី
អ្នកគឺជាមនុស្សស្រណុក មិនសូវជាចង់ធ្វើអ្វីដែលហត់នឿយលើសកំលាំងទេ ភាគច្រើនអ្នកចូលចិត្តប្រើគំនិតជាជាងប្រើកំលាំងរាងកាយ ។
ភាគច្រើនអ្នកជាមនុស្សប្រើអារម្មណ៍ រាល់អ្វីដែលអ្នកមិនចង់ហើយ ទោះធ្លាក់ពីលើមេឃមកក៏អ្នកមិនចាប់អារម្មណ៍ដែរ តែបើអ្នកចង់វិញទោះនៅដល់ជើងមេឃក៏អ្នកពុះពារទៅឲ្យដល់ដែរ ។ ចំពោះរឿងស្នេហាក៏ដូចគ្នាបើស្រឡាញ់គឺស្រឡាញ់ខ្លាំង តែបើភាគីម្ខាងទៀតហ៊ានតែក្បត់ចិត្តសូម្បីដានជើងក៏ឈូសគ្មានសល់ដែរ ។
ផ្លែឪឡឹក
អ្នកគឺជាមនុស្សពូកែនិយាយ ពូកែបញ្ចុះបញ្ចូលពូកែរាប់ញាតិ មិនថាមនុស្សមានអាជីពអ្វី នៅវ័យណាទេឲ្យតែបាននិយាយជាមួយអ្នកតែមួយភ្លែតនឹងមានអារម្មណ៍ស្និតស្នាលភ្លាម ។
លើសពីនេះអ្នកជាមនុស្សមានអធ្យាស្រ័យល្អ ចេះជួយទុក្ខធុរៈមិត្ដភ័ក្ត និងមនុស្សជុំវិញខ្លួន ទើបមិនចម្លែកទេដែលអ្នកជាមនុស្សមានញាតិមិត្តច្រើន ។
ផ្លែស្វាយ
រាប់បានថាជាមនុស្សឧស្សាហ៍ព្យាយាម និងមានទំនួលខុសត្រូវខ្ពស់ក្នុងការងារ ក៏ដូចជាភារកិច្ចដែលខ្លួនត្រូវធ្វើ ពោលមិនសូវចេះឲ្យខ្លួនឯងនៅទំនេរ ធ្វើរឿងឥតប្រយោជន៍ឡើយ លើកលែងតែពេលអ្នកហត់ខ្លាំង អស់ខ្លាំង ទើបព្រមសម្រាក។
និយាយពីការងារវិញ អ្នកចូលចិត្តប្រភេទការងារណាដែលអាចធ្វើដំណើរកម្សាន្តបានច្រើន ហើយទៅកន្លែងថ្មីៗ គឺអ្នករមែងពេញចិត្តបំផុត។ យ៉ាងណាយើងសូមសរសើរនូវភាពរឹងមាំមួយរបស់អ្នកពីធម្មជាតិ នោះគឺទំនួលខុសត្រូវដែលមានគ្រប់ស្ថានការណ៍ទាំងអស់។
ផ្លែក្រូច
អ្នកជាមនុស្សដែលចេះបារម្ភ យកចិត្តទុកដាក់ចំពោះមនុស្សជុំវិញខ្លួន បើទោះបីអ្នកនោះ មិនត្រូវជាអ្វីជិតដិតនឹងអ្នកក៏ដោយ។ អ្នកដែលបាននៅក្បែរអ្នកគេមានអារម្មណ៍ថាកក់ក្តៅ និងសុវត្ថិភាពជានិច្ច។
និយាយក្នុងអាជីពការងារ អ្នកពូកែខាងជំនាញគ្រប់គ្រង មិនថាស្ថាប័នធំតូច ក៏អ្នករមែងអាចធ្វើទៅបាន ឲ្យតែអ្នកមានចិត្តខំប្រឹង មិនខ្ជិលច្រអូស។ ជាងនេះ អ្នកក៏មនុស្សដែលមានស្ថិរភាព ហើយមានការរៀបចំ ដោយមានរបៀបរៀបរយ និងតែងតែផ្តោតលើគោលដៅជីវិត៕
ប្រភព៖ Knongsrok
ព័ត៌មានថ្មីៗ
