អាយុពិត ៣៤ ឆ្នាំហើយ តែសាច់ចាំដូចក្មេងស្រីស្រករ ២០ ដោយសារអាថ៌កំបាំង ៤ យ៉ាងនេះ
តារាសម្តែងស្រីជនជាតិជប៉ុន ឈ្មោះ Ishihara Satomi មានអាយុ ៣៤ ឆ្នាំហើយ ប៉ុន្តែទៅមើលសម្រស់រូបរាងកាយរបស់នាង គឺមើលទៅនៅក្មេង សឹងតែគិតថា ទើបតែអាយុ ២០ ស្តើងអ្វីតែប៉ុណ្ណោះ។
ស្បែករបស់នាងស្អាតរលោង គ្មានស្នាមជ្រួញ ហើយឥឡូវកំពុងត្រូវបានគេដាក់រហស្សនាមជា "រាជិនីកំពូលសម្រស់ប្រចាំប្រទេសជប៉ុន"។ យ៉ាងណានាងក៏បានចែករំលែកនូវគន្លឹះអាថ៌កំបាំង ៤ យ៉ាង ដែលស្រ្តីគ្រប់រូបមិនគួររំលងអាន៖
៤) លុបលាងគ្រឿងសម្អាតលើមុខជាប្រចាំ
ការលាងសម្អាតមុខគឺជាជំហានដំបូង ដែលស្រ្តីគ្រប់រូប មិនត្រូវខ្ជិលនោះទេ។ ជាពិសេសសម្រាប់អ្នក Makeup ច្រើន គឺនាងណែនាំឲ្យក្រោយពីបំពេញការងារ ឬមកពីខាងក្រៅ រឿងដំបូងភ្លាមដែលត្រូវធ្វើគឺទៅលាងសម្អាតគ្រឿង Makeup នោះចេញពីផ្ទៃមុខ។
វាបានលាងសម្អាតទាំងធូលី ភាពកខ្វក់ផ្សេងៗដែលជាប់លើមុខ ព្រោះបើទុកយូរ អាចបណ្តាលឲ្យស្ទះរន្ធញើស កើតទៅជាមុន។ នាងហ្មត់ចត់ណាស់លើរឿងលាងសម្អាតមុខ ព្រោះនាងចង់ឲ្យស្បែកបានសម្រាកច្រើន។
៣) បាញ់ទឹកសារធាតុរ៉ែជាប្រចាំ
នាងរមែងប្រើប្រាស់ Spray សារធាតុរ៉ែបាញ់មកលើផ្ទៃមុខ និងស្បែកជាប្រចាំ ព្រោះដើម្បីជួយឲ្យស្បែករលោង និងកាត់បន្ថយភាពជ្រីវជ្រួញ។ ជាងនេះវាក៏បានចូលរួមផ្តល់សំណើមដល់ស្បែកជាប្រចាំផងដែរ ជាពិសេសគឺនៅពេលថ្ងៃ។
២) ងូតទឹកក្ដៅឧណ្ហ៍ៗ
Satomi បង្ហើបថា នាងកម្រនឹងងូតទឹកត្រជាក់ណាស់ ពោលគឺរមែងត្រាំខ្លួនក្នុងទឹកក្ដៅឧណ្ហ៍ៗ ដោយនាងជឿថា វាជួយសម្រួលរាងកាយ បំបាត់ភាពនឿយហត់ ធ្វើឲ្យឈាមរត់ស្រួល ដែលវាក៏ពាក់ព័ន្ធនឹងដើមចមក្នុងការលើកសម្រស់រាងកាយផងដែរ។ ក្រោយងូតទឹករួច នាងមិនរំលងទេ ការលាបឡេ ដើម្បីធ្វើឲ្យស្បែកទន់។
១) ផឹកទឹកបន្លែជារៀងរាល់ថ្ងៃ
ក្រៅពីផលិតផលថែរក្សាសម្រស់ នាងក៏ប្រើប្រាស់របស់ធម្មជាតិដូចជាទឹកផ្លែឈើ ទឹកបន្លែ ដែលមានឱជារសឆ្ងាញ់ និងមានជីវជាតិ ក៏ដូចជាផ្តល់នូវវីតាមីនជាច្រើនមកដល់ស្បែក។
បន្ថែមពីនេះរបបអាហារដែលទទួលទាន ក៏នាងកាត់បន្ថយសាច់ឲ្យនៅចំនួនតិចបំផុតផងដែរ ហើយដាក់បន្លែចូលទៅក្នុងចានជារៀងរាល់ថ្ងៃ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
