៦ ខែបិទឆ្នាំ ២០២៣ មហាឆ្នាំទាំង ៤ ខួងប៉ះកំណប់ទ្រព្យ រាប់លុយចុកដៃ
ចូលដល់ពាក់កណ្តាលទំព័រឆ្នាំ ២០២៣ សម្រាប់រយៈពេល ៦ ខែចុងក្រោយ ពោលចន្លោះខែកក្កដា ដល់ធ្នូ នោះតាមក្បួនហោរាសាស្រ្តទាយថា អ្នកកើតឆ្នាំទាំង ៤ ខាងក្រោម នឹងដូចបានខួងធ្លុះកំណប់ទ្រព្យ នាំឲ្យកើតលុយចំណេញហូរគគ្រឹកគគ្រេង អង្គុយតែរាប់លុយក៏ហត់ដែរ៖
អ្នកកើតឆ្នាំខាល - ខ្លា
ជាមនុស្សដែលមានទេពកោសល្យ និងសមត្ថភាពពីកំណើត។ មនុស្សនេះឆ្លាតនិងមោះមុតខ្លាំងណាស់ ហើយការបង្កើតទំនាក់ទំនងជាមួយអ្នកដទៃក៏ធ្វើទៅបានល្អណាស់ដែរ។
មកដល់រយៈពេល ៦ ខែចុងក្រោយ នៅឆ្នាំ ២០២៣ ក៏នឹងដល់ពេលវេលាសម្រាប់អ្នកកើតឆ្នាំខាលផងដែរ ក្នុងការកើបទ្រព្យសម្បត្តិជាច្រើន។ រាល់កិច្ចការងារ ឬដាក់ផែនការណ៍ធ្វើអ្វីថ្មីក្នុងជីវិត ក៏នឹងរមែងទទួលបានជោគជ័យជានិច្ច។
អ្នកកើតឆ្នាំឆ្លូវ - គោ
កក្កដា ដល់ធ្នូ ២០២៣ ជោគវាសនាអ្នកកើតឆ្នាំឆ្លូវ នឹងធ្វើឲ្យគ្រប់គ្នាច្រណែនចង់បាន ក៏ព្រោះតែអ្នកអាចជួបសំណាង ហើយលែងខ្វល់ពីបញ្ហាប្រាក់កាក់នានា។ ឱកាសមានបានគឺមានច្រើនជាងអ្នកកើតឆ្នាំផ្សេងៗទាំងអស់។
បើអ្នកជាអ្នកធ្វើជំនួញ អ្នកនឹងទទួលបាភាពរីកចម្រើនខ្ពស់ហួសពីការរំពឹងទុក ហើយជួបបញ្ហាអ្វីក៏រមែងមានគេចាំជួយ ចាំដោះស្រាយឲ្យជានិច្ច។
អ្នកកើតឆ្នាំថោះ - ទន្សាយ
ទន្សាយជាទូទៅ គឺជាសត្វនាំសំណាង និងឈ្លាសវៃ ហើយនៅរយៈពេល ៦ ខែចុងក្រោយ នៃឆ្នាំនេះ គឺកាន់តែនាំសំណាងថែមទៀតដល់ម្ចាស់របស់វា។ អ្នកមានឱកាសអាចទាញយកប្រយោជន៍បានច្រើន ជាពិសេសនៅចុងឆ្នាំ ២០២៣ ដែលជាឆ្នាំថោះផ្ទាល់នោះ អ្នកនឹងមានទ្រព្យហូរចូលមកផ្ទះច្រើន ជាងការហូរចេញទៅវិញ។
អ្នកកើតឆ្នាំមមី - សេះ
ការខិតខំរបស់អ្នកអស់រយៈពេលជាយូរមកហើយនេះ ចូលដល់ពាក់កណ្តាលដល់ចុងឆ្នាំ រាប់ពីខែកក្កដាតទៅ គឺជាពេលដែលត្រូវទទួលបានរង្វាន់តបស្នងទៅវិញហើយ។ នេះជាមូលហេតុដែលអ្នកមិនត្រូវចុះចាញ់នៅពេលនេះទេ។
អ្នកកើតឆ្នាំមមី ឲ្យតែដឹងពីរបៀបចាប់យកឱកាស ចាប់យកផលចំណេញ នោះអ្នកនឹងមានឱកាសមានបានច្រើន ព្រោះមនុស្សនេះមានលាភច្រើន ជួបបញ្ហាតិច សំខាន់ឲ្យតែខ្លួនឯងចេះរៀបចំជីវិតបានច្បាស់លាស់បន្តិច គឺទៅមុខធូរហើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
