ប្រឹងតាំងពីបាតដៃទទេ តាមទំនាយទាយថា ម្ចាស់ឆ្នាំទាំង ៣ ដល់ពេលក្លាយជាអ្នកមានហើយ
តាមក្បួនហោរាសាស្រ្តបានបង្ហាញមកថា ម្ចាស់ឆ្នាំទាំង ៣ ខាងក្រោម ដើមឡើយពួកគេឆ្លងកាត់ការលំបាកជាច្រើន ខិតខំប្រឹងប្រែងតាំងពីបាតដៃទទេ ខ្លួនឯងជ្រោមជ្រែងខ្លួនឯង ហើយត្រៀមចូលខែឧសភា ឆ្នាំ ២០២៣ ខាងមុខ គឺដល់វេលាពួកគេអាចក្លាយជាអ្នកមានបានហើយ។ តុះទៅមើលទាំងអស់គ្នា មានឆ្នាំកំណើតរបស់អ្នកដែរឬទេ?
អ្នកកើតឆ្នាំកុរ – ជ្រូក
ម្ចាស់ឆ្នាំកុរ រមែងជាមនុស្សដែលមានញាតិរាប់ មានមនុស្សល្អនៅជុំវិញខ្លួន ហើយតែងតែដឹងគុណ ចំពោះអ្វីដែលអ្នកបានជួយគេ។ បើទោះបីជាអ្នកមិនរំពឹងចង់បានផលតបស្នងមកវិញក៏ដោយ តែផលនៃអំពើល្អទាំងឡាយ គឺបានត្រលប់មករកអ្នកវិញហើយនៅខែឧសភា ឆ្នាំ ២០២៣ ខាងមុខនេះ។
ចូលដល់ឆ្នាំ លាភ ជ័យ ជួយឲ្យដំណើរការគ្រប់យ៉ាងក្នុងជីវិត ប្រព្រឹត្តិទៅបានយ៉ាងរលូន លែងមានឧបសគ្គរាំងស្ទះដូចមុន។ ម្ចាស់ឆ្នាំកុរ នឹងដូចគេចង្អុលប្រាប់ទិសឲ្យដើរ ប្រាប់ផ្លូវដែលត្រូវទៅរកលុយបានយ៉ាងធូរ ហើយខ្ទង់ចំណាយទៅវិញក៏តិចផងដែរ។ ជីវភាពរបស់អ្នកកើតឆ្នាំកុរ បើពីមុនក្រ ពេលនេះក៏អាចនឹងផ្លោះមកកម្រិតបង្គួរ បើពីមុនបង្គួរ ពេលនេះអាចនឹងផ្លោះមកក្លាយជាអ្នកមានត្រឹមមួយពព្រិចភ្នែក។
អ្នកកើតឆ្នាំរោង – នាគ
ម្ចាស់ឆ្នាំរោង តែងតែមានភាពរឹងមាំតាំងពីកំណើត ពួកគេរស់នៅដោយពឹងផ្អែកលើខ្លួនឯង មិនចូលចិត្តជំនួយពីខាងក្រៅនោះទេ។ រាល់បំណងប្រាថ្នាអ្វី ក៏មិនរំពឹងចង់ឲ្យនរណាជួយនោះដែរ បើអាចធ្វើខ្លួនឯងបាន គឺនឹងខំធ្វើខ្លួនឯងទាំងស្រុង។
យ៉ាងណាចូលមកដល់ខែឧសភា ឆ្នាំ ២០២៣ ផលខិតខំប្រឹងប្រែង ក៏តបស្នងមកវិញ ដែលកើតចេញពីផ្លែផ្កា ពាំនាំលាភសំណាង ពរជ័យទាំងអំបាលម៉ានអាចរុញឲ្យជីវិតម្ចាស់ឆ្នាំនាគ ឡើងខ្ពស់ត្រដែត លុយអណ្តែតតាមទិសដូចទឹកហូរ។ ក្នុងអាជីវកម្មធំៗ នឹងចំណេញលុយវាល់លាន បើអ្នកប្រកបការងារក៏នឹងមានឱកាសឡើងតំណែងបានប្រាក់ខែខ្ពស់ជាងមុន។
អ្នកកើតឆ្នាំរកា - មាន់
ជាមនុស្សដែលមានភាពទាក់ទាញ មានការទុកចិត្តពីមជ្ឈដ្ឋានជុំវិញខ្លួនតាំងតែពីកំណើត។ មនុស្សនេះរស់នៅប្រកបដោយភាពថ្លៃថ្នូរ មានឆន្ទៈជម្នះរាល់ឧបសគ្គ ហើយប្រកាន់គោលគំនិតមិនបៀតបៀនជីវិតនរណាឡើយ។
ចាប់ពីដើមខែឧសភា ឆ្នាំ ២០២៣ នេះតទៅ ម្ចាស់ឆ្នាំរកា នឹងអាចដោះស្រាយរាល់បញ្ហាទាំងអស់ ឈ្នះរាល់ឧបសគ្គទាំងអស់ក្នុងជីវិត ប្តូរមកវិញនូវចំណូល នូវលុយកៀងជុំទិស។ មុខរបរ ការរកស៊ីធំតូចទាំងឡាយ ក៏ផ្តើមឡើងទៅសញ្ញាខៀវ ស្មើនឹងសញ្ញាវិជ្ជមាន លែងមានការធ្លាក់ចុះដូចមុនទៀតហើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
