ក្រោយម៉ោង ០០:០០ ថ្ងៃ ០១ ឧសភា មហាឆ្នាំទាំង ៥ ផុតអស់កម្ម ដាំមកវិញតែដើមទ្រព្យ
ធ្មេចបើកៗ ពេលវេលានៃខែសីហា ក៏កៀកនឹងបញ្ចប់ទៅហើយ ពោលសល់មួយសប្តាហ៍ទៀតប៉ុណ្ណោះឯង មុនទំព័រខែថ្មី ខែឧសភាចាប់ផ្តើមបើកទ្វារ។ តាមហោរាសាស្រ្តបានដំណាលថា នៅវេលាម៉ោង ០០:០០ នាទី ឆ្លងចូលថ្ងៃទី ០១ ខែថ្មីតទៅ នឹងមានម្ចាស់ឆ្នាំ ៥ អាចឆ្លងផុតអស់កម្មអស់ទុក្ខ ហើយសល់តែសុខ ដូចបានដាំដើមទ្រព្យកើតជាផ្លែជាផ្កា៖
អ្នកកើតឆ្នាំខាល – ខ្លា
ខ្លាពិតជាសំណាងណាស់ ដោយក្រៅតែពីការខិតខំ ឧស្សាហ៍ព្យាយាមរបស់បុគ្គលនេះស្រាប់ផង ក៏ដល់ពេលសំណាងចូលមកដល់ហើយដែរ។ បើអ្នកបានដាក់ពាក្យប្រឡង ឬដាក់ពាក្យដើម្បីសុំធ្វើការងារតំណែងអ្វីមួយ នោះនឹងបានចម្លើយឆាប់ៗនៅដើមខែខាងមុខ។
ជោគវាសនាម្ចាស់ឆ្នាំខាល អំណោយទានល្អណាស់ នៅខែឧសភាថ្មីនេះ ក្រោយពីឆ្លងទុក្ខជាច្រើននៅខែចាស់សីហា។ លុយកាក់នឹងហូរចូលឥតខ្វះចាយ ហើយបញ្ហាទាំងឡាយក៏រសាត់បាត់អស់ រីឯកំហុសធ្លាប់បានប្រព្រឹត្តិ ក៏ត្រូវបានបំភ្លេចចោលក្នុងក្រសែភ្នែកជនជិតឆ្ងាយទាំងឡាយដែរ។
អ្នកកើតឆ្នាំមមែ - ពពែ
ជាមនុស្សមានភាពអត់ធ្មត់ ឧស្សាហ៍ព្យាយាម មិនខ្លាចទេការលំបាក ហើយរមែងស្វែងរកឱកាសផ្លាស់ប្តូរជីវិត ដោយមិនចាំនរណាមកចង្អុល មកបង្ហាញឡើយ។ ម្ចាស់ឆ្នាំមមែ មានលទ្ធភាពអាចបង្កើតទ្រព្យធំនៅពេលខាងមុខ ដោយខ្លួនឯង។
នៅខែឧសភា ចាប់ពីម៉ោង ០០:០០ ថ្ងៃទី ០១ តទៅ អ្នកនឹងក្លាយជាអ្នកមាន ពោលជីវភាពនឹងបោះជំហានធំត្រឹមមួយពព្រិចភ្នែក។ អ្នកអាចលក់ដាច់របស់ទ្រព្យធំ សល់លុយចំណេញជាច្រើនចូលផ្ទះ ហើយបើអ្នកបន្តខិតខំលើគន្លងដដែល នោះសំណាងក៏នឹងកាន់តែរលូនបន្តពេញមួយខែ។
អ្នកកើតឆ្នាំកុរ - ជ្រូក
ម្ចាស់ឆ្នាំទី ១២ ឯណេះវិញ ទៅមើលការងារ និងការរកស៊ី គឺកាន់តែប្រសើរឡើងនៅខែឧសភាខាងមុខ ដោយលុយកាក់នឹងហូរចូល សម្បូរហូហៀរពេលមួយខែក្រោយ។ កិច្ចសន្យាបន្ថែមចំណូល ប្រាក់ចំណេញទាំងដុំ នឹងចូលមកនៅពេលបន្ទាប់ ពោលអាចរាប់បានម្ចាស់ឆ្នាំកុរ ជាតារាសំណាងដ៏ធំប្រចាំខែក្រោយនេះ។
អ្នកកើតឆ្នាំច - ឆ្កែ
ជីវិតម្ចាស់ឆ្នាំច នៅកំឡុងខែក្រោយ មិនថាតែអ្នកប្រកបការងារ ឬរបររកស៊ីជួញដូរ នឹងពុំមានឧបសគ្គអ្វីកើតឡើងឡើយ ផ្ទុយទៅវិញ មានតែទទួលបានការកោតសរសើរ លើកមុខលើកមាត់ពីថ្នាក់លើ ក៏ដូចជាអតិថិជន ដែលផ្តល់ទាំងប្រាក់ចំណូល ទាំងកិត្តិយសមកអ្នក។
រឿងនឹកស្មានមិនដល់នឹងកើតមាន នៅចន្លោះពេល ៣ ថ្ងៃបន្ទាប់ ដោយសំណាងមួយក្នុងសំណាងធំទាំង ៣ ប្រចាំខែ នឹងរំលេចឡើង។ ចន្លោះពេលនេះ ជីវិតអ្នកគ្មានការធ្លាក់ចុះអ្វីឡើយ ពោលមានតែសញ្ញាឡើងបុកទៅលើជានិច្ច។
អ្នកកើតឆ្នាំឆ្លូវ - គោ
ម្ចាស់ឆ្នាំឆ្លូវ នឹងមានគេមកហុចដៃជួយ ក្រោយមើលឃើញពីការជួបបញ្ហា និងប្រទះឧបសគ្គមួយចំនួនកន្លងមក។ អ្នកនឹងលែងឯកោទៀតហើយ ពោលនឹងទទួលបានអារម្មណ៍កក់ក្តៅ ហើយក៏មានទ្រព្យហូរចូលយ៉ាងគគ្រឹកគគ្រេងថែមទៀតផងដែរ។
ចូរប្រើប្រាស់ជំនាញដែលអ្នកមាន នៅខែឧសភា អាចចាប់យកឱកាសដែលកម្រនឹងប្រទះ នាំឲ្យកើតលាភ កើតសំណាងទាំងសម្រាប់ខ្លួនឯងនិងក្រុមគ្រួសារ។ ប្រាក់ក្នុងកុងធនាគារនឹងកើនច្រើន រីឯការចំណាយគឺចេញតិចបំផុត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
