តាមការគន់គូរនៃក្បួនហោរាសាស្រ្ត ក្នុងចំណោមឆ្នាំទាំង ១២ បានសង្កេតឃើញម្ចាស់ឆ្នាំទាំង ៤ ខាងក្រោម មិនថាជាបុរស ឬស្រ្តី រមែងអាចទទួលបានភាពមានបានដោយស្ងាត់ៗ ហើយពួកគេខិតខំណាស់ ហែលកាត់តាំងពីចំណុច ០ ដល់ ១០ រួចឆ្លងភាពនឿយហត់ប៉ុណ្ណា ក៏មិនសូវចេះត្អូញត្អែរនោះដែរ៖
អ្នកកើតឆ្នាំឆ្លូវ – គោ
រមែងជាមនុស្សមានភាពឧស្សាហ៍ព្យាយាម មានចរិតស្ងប់ស្ងាត់ ពួកគេមិនសូវពូកែបញ្ចេញអារម្មណ៍ Drama នៅកន្លែងធ្វើការ ឬរកស៊ីទេ តែធ្វើអ្វីមួយ គឺបានដាក់ឆន្ទៈខ្ពស់ ហើយផ្តោតលើការងារនោះ ឲ្យចេញជាលទ្ធផលល្អបំផុតតាមដែលអាចធ្វើទៅបាន។
ទៀតសោត គេក៏មិនខ្ជះខ្ជាយពេលវេលាលើរឿងរ៉ាវឥតប្រយោជន៍ច្រើនដែរ ពោលមិនសូវចេះចាយពេលទៅជជែកគ្នាលេង ឬជួបជុំសប្បាយញឹកញាប់ដូចអ្នកឯទៀត ជារួមពេលវេលាទាំងប៉ុន្មាន បើមិនចាយលើការខិតខំរកប្រាក់ គឺពួកគេស៊ូយកពេលនោះ ទៅសម្រាកជាការជួបជុំគ្រួសារ ឬនៅម្នាក់ឯងដើម្បីគិតរកផែនការណ៍ថ្មីក្នុងជីវិត។ មិនចាំដល់ចំណាស់ពេកទេ អាយុត្រឹមតែ ២០ ក្រាស់ ឬ ៣០ ស្តើង មនុស្សកើតឆ្នាំឆ្លូវ រមែងឃើញផ្លែផ្កាជីវិតហើយ។
អ្នកកើតឆ្នាំច – ឆ្កែ
ជាមនុស្សចង់បានកេរឈ្មោះ ស្រលាញ់កិត្តិយសខ្លាំងណាស់ ដូច្នេះហើយមនុស្សនេះ ធ្វើអ្វីមួយគឺគិត គិតខ្លាចគេនិយាយប៉ះពាល់ដល់ឈ្មោះរបស់ខ្លួន។ ទៅណាមកណា គេតែងតែទទួលបានការគោរពស្រលាញ់ បង្កើតភាពរីករាយដល់អ្នកជុំវិញ ប្រកបដោយសុខសិរីជុំទិស។
អ្នកកើតឆ្នាំច ទៅប្រកបរបរនៅទីណា ក៏រមែងបង្កើតផលចំណេញយ៉ាងក្រែលដល់ម្ចាស់នៅកន្លែងនោះ បើធ្វើការឲ្យក្រុមហ៊ុន គឺក្រុមហ៊ុននោះ រមែងបានភាពចម្រុងចម្រើន ជាងបុគ្គលិកដទៃ។ មនុស្សនេះ ហត់តែឯង ក៏ស៊ូត្អូញតែឯង ពោលមិនចេះហែករឿងឲ្យអ្នកដទៃស្តាប់ឡើយ ព្រោះតែងគិតថា ប្រាប់គេក៏គេជួយមិនបានដដែល។ យ៉ាងណាដោយសារការខិតខំ ការតស៊ូតាំងតែពីដើមមក ក៏មិនយូរនោះដែរ ប្រលូកត្រឹម ៣ ទៅ ៥ ឆ្នាំក៏មានទ្រព្យធំ ជាប់នឹងខ្លួនជាបណ្តើរៗ។
អ្នកកើតឆ្នាំវក - ស្វា
ជាមនុស្សដែលតែងមានសំណាង ឈ្នះអស់សត្រូវមកពីជិតឆ្ងាយ ហើយទៅណាមកណា ក៏រមែងមានការអាណិតអាសូរ ពោលប្រកបដោយទំនាក់ទំនងល្អរវាងអ្នកជុំវិញខ្លួន។
អរគុណដល់ទេពកោសល្យនៃការនិយាយស្តីចេះដាក់ ចេះបន្ទាបខ្លួន បូកផ្សំនឹងការខិតខំតស៊ូ អត់ធ្មត់ខ្ពស់ពីកំណើតនេះផង ក៏នាំឲ្យគេរមែងទទួលបានការជ្រោមជ្រែងពីអ្នកដែលមានឋានៈខ្ពស់ជាងខ្លួន ជួយយឹតយោងឲ្យក្លាយជាអ្នកមានបានដោយងាយ។
អ្នកកើតឆ្នាំកុរ - ជ្រូក
ជាមនុស្សដែលមិនសូវចេះបើកចំហចិត្ត បើជួបរឿងសោកសៅអ្វី ក៏រមែងលាក់ទុក្ខ អង្គុយយំសោកតែម្នាក់ឯង រួចជឿថា ក្រោយពេលនោះ នឹងបានធូរស្បើយ អាចបន្តដំណើរទៅមុខទៀតបាន។ របៀបនៃការអត់ធ្មត់ខ្ពស់បែបនេះ ក៏ជាដើមចមលាយឡំឲ្យគេឆាប់ជោគជ័យជាងឆ្នាំដទៃផងដែរ ព្រោះអីរឿងខ្លះ បើចែកទៅជនដទៃឲ្យដឹង ក៏មិនប្រាកដថាល្អទាំងអស់ដែរ។
ជាមួយនឹងសំណាងដែលមានក្នុងជីវិត ទោះមានគេចង់ធ្វើបាប ចង់បោកបញ្ឆោត ក៏មិនងាយធ្វើបុគ្គលឆ្នាំកុរនេះចុះដែរ ព្រោះវាហាក់ដូចមានវិញ្ញាណល្អអ្វីម្យ៉ាងមករារាំង មកទប់ស្កាត់ ឬបង្ហើបខ្សឹបត្រចៀកជាមុន៕
ប្រភព៖ បរទេស | ប្រែសម្រួល៖ ក្នុងស្រុក