អ្នកមានធ្មេញទាំង ៣ ប្រភេទនេះ ចាត់ទុកថា ជាមនុស្សដែលមានសំណាងធំក្នុងជីវិត ងាកទៅណាក៏មិនខ្វះលុយចាយដែរ
គ្រាន់តែក្រឡេកមើលធ្មេញទូទៅរបស់មនុស្សម្នាក់ ក៏អាចដឹងថាអនាគតបុគ្គលិកលក្ខណៈ និងវាសនានឹងទៅជាយ៉ាងណាបានដែរ? តោះ! ឈ្វេងយល់ទាំងអស់គ្នា!
១. ធ្មេញធំ
ក្នុងផ្នែកនរវិទ្យា មនុស្សដែលមានធ្មេញធំ តែតម្រឹមស្មើស្អាត គឺសុទ្ធតែសំណាងខ្លាំង។ ប្រសិនបើអ្នកជាបុរសដែលមានធ្មេញមុខធំ ជាធម្មតាអ្នកជាមនុស្សរហ័សរហួន ស្វាហាប់ រស់នៅដោយឯករាជ្យ និងមិនពឹងផ្អែកលើនរណាម្នាក់។
មនុស្សទាំងនេះមានផ្លូវអាជីពល្អណាស់ ព្រោះនិស្ស័យរបស់ពួកគេត្រូវបានកំណត់យ៉ាងខ្លាំង។ ជាពិសេស មនុស្សទាំងនេះតែងតែមានសុខភាពល្អ អាស្រ័យហេតុនេះ ជីវិតក៏មានភាពងាយស្រួល និងសប្បាយរីករាយបំផុត។
ប្រសិនបើអ្នកជាស្ត្រីដែលមានធ្មេញធំ ជាធម្មតាអ្នកជាមនុស្សដែលមានចរិតរួសរាយរាក់ទាក់ និងឆ្លាតវៃ។ ពួកគេមានចិត្តល្អ តែងតែត្រៀមខ្លួនជួយអ្នកដទៃ ដូច្នេះហើយពួកគេត្រូវបានគេស្រឡាញ់ដោយមនុស្សជាច្រើន។
ម្យ៉ាងទៀត អាជីពរបស់ស្ត្រីដែលមានធ្មេញវែង មានសំណាងខ្លាំង និងងាយនឹងជោគជ័យ។ ជាពិសេសខ្សែស្នេហារបស់ពួកគេក៏ល្អខ្លាំងដែរ ការជួបគូស្រករគួររស់នៅប្រកបដោយសុភមង្គល។
២. ធ្មេញផ្លែទទឹម
ស្ត្រីដែលមានទម្រង់ធ្មេញដូគ្រាប់ផ្លែទទឹមត្រូវបានចាត់ទុកថាស្រស់ស្អាតបំផុត។ ជាប្រភេទធ្មេញដែលមានរូបរាងស្រដៀងនឹងគ្រាប់ផ្លែទទឹម ខ្លី រាងជ្រុង និងជិតគ្នា ជាពិសេសមានពណ៌ស និងខ្លាំង។
មនុស្សភាគច្រើនដែលមានធ្មេញទូទៅប្រភេទនេះ ជាធម្មតាមានភាពវៃឆ្លាត និងមានទេពកោសល្យ។ បុរសតែងមានទ្រព្យសម្បត្តិហូរហៀរ ស្ត្រីស្លូតបូតថ្លៃថ្នូរ ខ្លះបានជាអ្នកមាន ហើយជីវិតដែលនៅសេសសល់ក៏រស់នៅក្នុងភាពសុខសាន្តទាំងឡាយ។
ចំពោះមនុស្សស្រីជាពិសេស កើតមកអាចថា នាងគ្មានទ្រព្យសម្បត្តិ ឬកេរ្តិ៍ឈ្មោះល្បីអ្វីឡើយ តែក្រោយមានស្វាមី នាងតែងត្រូវបានប្តីស្រឡាញ់ ថ្នាក់ថ្នមជាពិសេស។ គួរឲ្យដឹងទៀតថា មនុស្សនេះ កម្របង្ហាញពីអារម្មណ៍របស់ពួកគេជាពាក្យសម្ដីណាស់ ប៉ុន្តែច្រើនតែប្រើសកម្មភាពដើម្បីបង្ហាញចេញមកក្រៅ។
៣. ធ្មេញជំពើស
បើអ្នកស្ថិតក្នុងទម្រង់ធ្មេញទីបី នោះអ្នករមែងជាមនុស្សដែលមានផែនការណ៍ច្បាស់លាស់ក្នុងជីវិត។ អ្នកតែងតែព្យាយាមមួយជំហានម្តងៗ ដោយមិនបង្ខំទេ តែអ្នកជាមនុស្សមានប្រាជ្ញា ពេលខ្លះលាក់កំនួច ដើម្បីសម្ងំមើលអ្នកដទៃធ្វើ។ ម្ចាស់ធ្មេញនេះជាមនុស្សមានភាពវៃឆ្លាត ដែលមានជីវិតអាពាហ៍ពិពាហ៍ពោរពេញទៅដោយសុភមង្គល។ ប្រសិនបើបុរសដែលមានធ្មេញជំពើស នោះគាត់នឹងតែងតែមានជីវិតសប្បាយរីករាយ សន្តិភាពផ្លូវចិត្តជានិច្ច។
និយាយពីទ្រព្យ មនុស្សនេះរមែងមានស្ថិរភាពផ្នែកទ្រព្យ តាំងតែពីចាប់កំណើតមក ពោលបានអំណោយផលពីគ្រួសារតាំងតែពីកើត ពោលច្រើនតែស្ថិតក្នុងជីវភាពគ្រួសារយ៉ាងហោចណាស់មធ្យម មិនស្គាល់ពាក្យ លំបាកខ្លាំងឡើយ។
ដោយឡែកមនុស្សនេះ ពោរពេញដោយក្តីស្រលាញ់។ ពួកគេតែងតែបង្ហាញថា តើពួកគេស្រឡាញ់អ្នកប៉ុនណា។ រាល់ពេលដែលអ្នកចង់ទទួលបានការកោតសរសើរ និងស្រលាញ់ ពួកគេប្រាកដជានៅទីនោះ ជួយអ្នកឱ្យរីករាយក្នុងជីវិត និងផ្តល់ក្តីសង្ឃឹមដល់អ្នក។ មនុស្សទាំងនេះក៏ចេះលេងសើចដែរ ពួកគេតែងតែចាំថារឿងតូចតាចតែងតែជារឿងដែលល្អបំផុតក្នុងជីវិត៕
ប្រភព ៖ បរទេស / Knongsrok
ព័ត៌មានថ្មីៗ
