រំភើបជំនួស! សម្ដេចពុកប្រកាសជួយជាថវិការដល់កូនលោក បញ្ញា សិទ្ធ ចំនួន ៣ ម៉ឺនដុល្លារ ដើម្បីមើលជំងឺម្ដាយ

• 2023-04-20
• Share

មុនេះបន្តិច សម្ដេចតេជោ ហ៊ុន សែន បានប្រកាសនៅលើគេហទំព័រផ្លូវការអំពីការបាត់មុខតារាសម្ដែងស្រស់សង្ហា លោក បញ្ញា សិទ្ធ ពីសង្គមសិល្បៈមួយរយៈនេះ ដោយសារតែខំប្រឹងរកលុយដើម្បីព្យាបាលជំងឺម្ដាយ។ ដោយសេចក្ដីអាណិតមេត្តា ចំពោះភាពកត្តញ្ញូរបស់លោក បញ្ញា សិទ្ធ សម្ដេចពុកបានជួយជាថវិការចំនួន ៣ ម៉ឺនដុល្លារ ដើម្បីឱ្យរូបលោកយកទៅចាត់ចែងក្នុងការព្យាបាលជំងឺម្ដាយ។ បន្ថែមពីនេះ សម្ដេចក៏បានបញ្ជាក់ផងដែរថា ប្រសិនបើមានការខ្វះខាតអ្វីទៀតនោះ សម្ដេចនឹងត្រួតពិនិត្យតាមក្រោយទៀត។

នេះពិតជាដំណឹងដ៏ល្អបំផុតសម្រាប់លោក បញ្ញា សិទ្ធ នៅក្នុងស្ថានភាពបែបនេះ ដែលមានវត្តមានសម្ដេចពុកជួយទំនុកបម្រុង នេះក៏ជាភាពកក់ក្ដៅមួយផងដែរ ដែលសរបញ្ជាក់ឱ្យដឹងថា ទីណាមានទុក្ខលំបាក ទីនោះមានសម្ដេចពុក និងលោកជំទាវជានិច្ច។

ខាងក្រោមនេះ ជាប្រសាសន៍សម្ដេចពុក ដែលបានបង្ហោះនៅលើគេហទំព័រជាផ្លូវការ ៖

តាមរយៈការផ្សាយរបស់កោះ

សន្តិភាពខ្ញុំទើបដឹងថាតារាសំដែងបញ្ញា សិទ្ធបាត់មុខពីសិល្បៈដើម្បីរកប្រាក់ព្យាបាល

ជម្ងឺម្តាយ។

ពេលនេះកូនកតញ្ញូម្នាក់នេះកំពុង

ត្រូវការជំនួយដើម្បីជួយដល់ម្តាយ។

ខ្ញុំនិងភរិយាសូមចូលរួមចំនួន

៣មុឺនដុល្លារ(30,000$)សម្រាប់ក្មួយចាត់ចែងព្យាបាលម្តាយឲ្យ

ទាន់ពេល។

សូមក្មួយបញ្ញា សិទ្ធទាក់ទងមក

លោកសេង ទៀងដែលកំពុងផ្ទេរប្រាក់តាមគណនីនៅABA

របស់ក្មួយតាមលេខទូរស័ព្ទ

012 961971។

ប្រសិនមានការខ្វះខាតខ្ញុំពិនិត្យ

តាមក្រោយទៀត។

ជូនពរដល់ម្តាយក្មួយឆាប់បានជា

សះស្បើយ។