ភេសជ្ជៈដ៏ពេញនិយមទាំង ៧ មុខ ល្អបំផុតក្នុងការជួយសម្អាតពោះវៀន និងពន្យារភាពចាស់
ពោះវៀន គឺជាផ្នែកដ៏សំខាន់បំផុតនៃរាងកាយ ដែលប្រដូចទៅនឹង «ខួរក្បាលទីពីរ» របស់រាងកាយដែរ។ ដូច្នេះ ពោះវៀនមិនល្អ ពិតជាប៉ះពាល់ដល់អាយុជីវិតរបស់យើងយ៉ាងខ្លាំង។
ពោះវៀនធ្វើការជាសរីរាង្គបន្សាបជាតិពុលដ៏ធំបំផុតរបស់រាងកាយ ទទួលខុសត្រូវក្នុងការរំលាយអាហារ តែងតែមានទំនាក់ទំនងផ្ទាល់ជាមួយជាតិពុលជាច្រើនប្រភេទ ដូច្នេះហើយពោះវៀនងាយនឹងខូចណាស់។ ប្រសិនបើពោះវៀនមានបញ្ហា ផ្នែកផ្សេងទៀតនៃរាងកាយក៏មិនអាចមានសុខភាពល្អដែរ។ វាថែមទាំងប៉ះពាល់ដល់អាយុជីវិតរបស់យើងទៀតផង។ ដូច្នេះការសម្អាតពោះវៀន គឺមានសារៈសំខាន់ណាស់។
ការសម្អាតពោះវៀន គឺជាការយកកាកសំណល់ពុលដែលជាប់នៅលើជញ្ជាំងពោះវៀន។ ជាលទ្ធផល ប្រព័ន្ធការពាររាងកាយមានភាពប្រសើរឡើង ជួយសម្រកទម្ងន់ កាត់បន្ថយហានិភ័យនៃជំងឺមហារីកពោះវៀនធំ។
មធ្យោបាយដ៏សាមញ្ញមួយ ដើម្បីជួយសម្អាតពោះវៀន ដោយមានផលប៉ះពាល់តិចតួច គឺត្រូវប្រើភេសជ្ជៈទាំង ៧ មុខខាងក្រោមនេះ ៖
១. ទឹកគ្រាប់ជី
អ្នកស្រាវជ្រាវជនជាតិអាមេរិកមកពីសាកលវិទ្យាល័យ Illinois និងសាកលវិទ្យាល័យ Minnesota បង្ហាញថា គ្រាប់ជី គឺជាប្រភពសម្បូរជាតិសរសៃ។ នៅពេលទទួលទានក្នុងរាងកាយ គ្រាប់ជី បង្កើតជាសារធាតុដូច gelatin នៅក្នុងក្រពះ ពួកវាដើរតួជា prebiotic ដើម្បីគាំទ្រដល់ការលូតលាស់នៃបាក់តេរីមានប្រយោជន៍ក្នុងពោះវៀន គាំទ្រដល់ប្រព័ន្ធរំលាយអាហារដែលមានសុខភាពល្អ។
២. ទឹកក្តៅ
ការផឹកទឹកឱ្យបានគ្រប់គ្រាន់ជារៀងរាល់ថ្ងៃ គឺជាវិធីសាមញ្ញបំផុតក្នុងការគ្រប់គ្រងការរំលាយអាហារ។ ជារៀងរាល់ថ្ងៃ អ្នកគួរតែផឹកទឹកក្តៅឧណ្ណៗ ៦-៨ កែវ ដើម្បីលាងសម្អាតពោះវៀន។ ក្រៅពីនេះ អ្នកក៏គួរញុំាបន្លែ និងផ្លែឈើបន្ថែមទៀតដែលមានជាតិទឹកខ្ពស់ដូចជា ឪឡឹក ប៉េងប៉ោះ។
៣. ទឹកអំបិល
ជួនកាលការលាយអំបិលសមុទ្រ 2 ស្លាបព្រាបាយ ឬអំបិលពណ៌ផ្កាឈូកជាមួយទឹកក្តៅឧណ្ហៗ ហើយផឹកនៅលើពោះទទេ គឺល្អខ្លាំងណាស់សម្រាប់ការសម្អាតប្រព័ន្ធរំលាយអាហារ។ ទឹកអំបិលជួយជម្រុញចលនាពោះវៀនរយៈពេលពីរបីនាទី។ ទោះជាយ៉ាងណាក៏ដោយ អ្នកដែលមានការឈឺចាប់ក្រពះមិនគួរទទួលទានវាទេ។
៤. ទឹកក្រូចឆ្មា ជាមួយទឹកឃ្មុំ
ទឹកក្រូចឆ្មាស្រស់លាយជាមួយទឹកឃ្មុំបន្តិច និងអំបិលបន្តិច ផឹកលើពោះទទេនៅពេលព្រឹកមានប្រសិទ្ធភាពសម្អាតពោះវៀន។
៥. ទឹកផ្លែឈើ និងទឹកក្រឡុក
ទឹកផ្លែឈើ និងបន្លែមានប្រសិទ្ធភាពលាងសម្អាតពោះវៀនយ៉ាងរហ័ស។ ជាពិសេស ទឹកផ្លែប៉ោម ក្រូចឆ្មា និងទឹកប្រទាលកន្ទុយក្រពើ មានប្រសិទ្ធភាពលាងសម្អាតពោះវៀន។ ពួកវាក៏មានសារធាតុចិញ្ចឹមដែលមានប្រយោជន៍ដល់រាងកាយផងដែរ។
៦. តែរុក្ខជាតិ
តែរុក្ខជាតិមានប្រសិទ្ធភាពជួយដល់សុខភាព រំលាយអាហារតាមរយៈពោះវៀនធំ។ ក្រៅពីនេះ ឱសថបន្សាបជាតិពុលដូចជា ដើមល្ហុង ប្រទាលកន្ទុយក្រពើ ... ក៏ជួយព្យាបាលការទល់លាមកផងដែរ។
៧. ទឹកខ្ញី
ខ្ញី គឺជាសារធាតុជម្រុញការរំលាយអាហារ។ អ្នកអាចបន្ថែមខ្ញីទៅក្នុងទឹកតែ ឬញុំាដោយផ្ទាល់។ ម្យ៉ាងវិញទៀត អ្នកអាចលាយទឹកឃ្មុំមួយស្លាបព្រាជាមួយនឹងទឹកខ្ញីក្តៅមួយកែវ ញុំាវាពីរដងក្នុងមួយថ្ងៃ ដើម្បីសម្អាតពោះវៀន។
បន្ថែមពីលើការប្រើប្រាស់ទឹកទាំង ៧ ប្រភេទខាងលើ អ្នកអាចកែលម្អសុខភាពពោះវៀនបានដោយការទទួលទានបន្លែ និងផ្លែឈើឱ្យបានច្រើន ការធ្វើកោសល្យវិច័យនៅពេលចាំបាច់ ការកំណត់ជាតិផ្អែមសិប្បនិម្មិត ញុំាអាហារដែលមានជាតិ fermented បង្កើន prebiotics និង probiotics ផ្តល់អាទិភាពដល់គ្រាប់ធញ្ញជាតិ រក្សារបបអាហារបួសជាដើម៕
ព័ត៌មានថ្មីៗ
