ឆ្ងល់អត់? ហេតុអ្វីមេធ្មប់ជាស្ត្រីចំណាស់មុខមាត់អាក្រក់ ហើយតែងជិះអំបោសហោះ
នៅពេលនិយាយដល់មេធ្មប់ គ្រប់គ្នាប្រាកដជានឹងនឹកឃើញដល់រូបភាពស្ត្រីចំណាស់ដែលមានមុខមាត់អាក្រក់ ស្លៀកឈុតខ្មៅ ហើយជិះអំបោសហោះ។ ចុះអ្នកទាំងអស់គ្នាដឹងទេថា ហេតុអ្វីបានជាមេធ្មប់តែងតែផ្សារភ្ជាប់ជាមួយរូបភាពទាំងនេះ?
១. ហេតុអ្វីបានជាមេធ្មប់ច្រើនតែជាស្ត្រីចំណាស់អាក្រក់? ៖ មេធ្មប់គឺជាតួអង្គតំណាងឱ្យអំពើអាក្រក់ ដែលជារឿយៗលេចឡើងក្នុងរឿងនិទាន។ នៅក្នុងរឿងទាំងនេះ យើងតែងតែឃើញមេធ្មប់ជាមនុស្សដែលរកវិធីធ្វើបាបមនុស្សល្អ។ ជាច្រើនជំនាន់មកហើយ មនុស្សម្នាតែងតែចងចាំមេធ្មប់ ដែលមានរូបភាពជាស្ត្រីចំណាស់ ស្គមស្គាំង សក់ស្កូវ ច្រមុះស្រួច ទឹកមុខគួរឱ្យខ្លាច សំឡេងធំ មុខក្រញ៉ូវ ... ក្នុងចំណោមរឿង និងរូបភាពរបស់មេធ្មប់ សុទ្ធតែត្រូវបានពិពណ៌នាយ៉ាងដូច្នេះ។
តាំងពីបុរាណកាលមក ស្ត្រីត្រូវបានគេទទួលស្គាល់ថាជាអ្នកផ្តល់កំណើត ថែរក្សាគ្រួសារ និងជាអ្នកប្រមូលផ្តុំ និងជាស្ត្រីមេផ្ទះរៀបចំបាយទឹក ចម្អិនអាហារសម្រាប់គ្រួសារ។ ពួកគេក្លាយជាមនុស្សដែលមានចំណេះដឹងជាមូលដ្ឋានអំពីផ្នែកជាច្រើននៃជីវិត។ ចំណេះដឹង និងបទពិសោធន៍របស់ពួកគេត្រូវបានបញ្ជូនទៅមនុស្សជំនាន់ក្រោយ។ យូរៗទៅ ស្ត្រីបានក្លាយជាគ្រឹះនៃចំណេះដឹង ហើយថាមពលរបស់ស្ត្រីបានចាប់ផ្តើមលេចឡើង នេះមានឥទ្ធិពលយ៉ាងខ្លាំង។
អ្នកប្រាជ្ញជាច្រើនជឿថា នៅពេលដែលស្ត្រីខ្លះកាន់តែឯករាជ្យ ជាពិសេសស្ត្រីវ័យចំណាស់ដែលរស់នៅក្រៅច្បាប់នៃគ្រួសារ ជារឿយៗត្រូវបានចោទប្រកាន់ពីបទអាបធ្មប់។ ភាគច្រើននៃមនុស្សទាំងនេះមានអាយុលើសពី ៥០ ឆ្នាំ ហើយមិនដែលមានកូនទេ។ ក្នុងសង្គមចាស់ គេចាត់ទុកជាមនុស្សដែលពិបាកធ្វើសមាហរណកម្មក្នុងសង្គម។ ដើម្បីគេចចេញពីមនោគមវិជ្ជារួមនៃសង្គមនៅពេលនោះ ស្ត្រីទាំងនេះត្រូវបានបង្ខំឱ្យក្លាយជាមនុស្សឯករាជ្យ និងគ្មានគ្រួសារ។ ពួកគេថែមទាំងអាចកាន់កាប់អចលនទ្រព្យជាច្រើនបានដោយគ្មានការគាំទ្រពីបុរសណាម្នាក់។ នេះក៏ធ្វើឱ្យពួកគេក្លាយជា "បន្លា" នៅក្នុងក្រសែភ្នែករបស់អ្នកដែលធ្វើតាមប្រព័ន្ធសង្គមដែលគ្រប់គ្រងដោយបុរស។
ជាងនេះទៅទៀត មនុស្សចាស់ ស្ត្រីក្រីក្រមួយចំនួន ក៏អាចរងការចោទប្រកាន់ពីអំពើអាបធ្មប់ផងដែរ។ ពួកគេត្រូវបានគេចាត់ទុកថាជាបន្ទុកដល់គ្រួសារ។ ទោះជាយ៉ាងណាក៏ដោយ មានការពិតផ្ទុយគ្នាខ្លាំងណាស់ដែលលើកឡើងថា ប្រសិនបើពួកគេព្យាយាមរកលុយដើម្បីឱ្យសេដ្ឋកិច្ចឯករាជ្យ នោះពួកគេនឹងត្រូវទទួលទណ្ឌកម្មផងដែរ។ ស្ត្រីបែបនេះដោយអចេតនាក្លាយជា "ការគំរាមកំហែង" ដល់សង្គមផ្សេងទៀត ដោយសារតែពួកគេត្រូវបានចាត់ទុកថាជាបន្ទុកមួយមិនរួមចំណែកអ្វីដល់សហគមន៍ (ដោយសារតែពួកគេចាស់) ។ នេះត្រូវបានគេនិយាយថាជាមូលហេតុដែលរូបភាពរបស់មេធ្មប់តែងតែជាប់ពាក់ព័ន្ធនឹងស្ត្រីចំណាស់ដ៏អាក្រក់។
២. ហេតុអ្វីបានជាមេធ្មប់ជិះអំបោស? ៖ រូបភាពរបស់មេធ្មប់ជិះអំបោសក៏ត្រូវបានចារក្នុងចិត្តមនុស្សជាច្រើនជំនាន់មកហើយ។ មានហេតុផលជាច្រើនដែលត្រូវបានផ្តល់ឱ្យសម្រាប់មេធ្មប់ជិះអំបោស។ មេធ្មប់ដំបូងគេដែលទទួលការងារជិះអំបោស គឺ Guillaume Edelin។ បុគ្គលនេះកំណត់អត្តសញ្ញាណខ្លួនឯងថាជាបូជាចារ្យមកពី Saint-Germain-en-Laye នៅជិតទីក្រុងប៉ារីស។ នៅឆ្នាំ 1453 ស្ត្រីនេះត្រូវបានចាប់ខ្លួន និងកាត់ទោសពីបទប្រើវេទមន្តខ្មៅ។ ក្រោយពីចាប់ខ្លួនធ្វើទារុណកម្មជននេះបានសារភាពថាខ្លួនបានជិះអំបោស។ លទ្ធផលរបស់ Edelin គឺត្រូវចំណាយអស់មួយជីវិតរបស់គាត់នៅក្នុងគុក។
ចាប់តាំងពីពេលដែល Edelin បានសារភាព គំនិតរបស់មេធ្មប់ដែលជិះអំបោសហោះកាន់តែពេញនិយមក្នុងសង្គម។ យោងតាមការស្រាវជ្រាវ រូបភាពដំបូងបំផុតរបស់មេធ្មប់ដែលជិះអំបោសបានបង្ហាញខ្លួននៅឆ្នាំ 1451 (មុនពេល Edelin ត្រូវបានចាប់ខ្លួន)។ ស្នាដៃ Le Champion des Dames (បកប្រែប្រហែលជា Defender of the Ladies) ដោយ Martin Le France ជាកវីជនជាតិបារាំង គូររូបពីរ រូបមួយជាស្ត្រីអង្គុយលើអំបោស និងស្ត្រីជិះដំបងហោះ។
Robin Skelton - អ្នកជំនាញខាងផ្នែកនរវិទ្យាជឿថារូបភាពនៃមេធ្មប់ជិះអំបោសអាចមកពីការធ្វើពិធីកសិកម្មមិនជឿ។ ក្នុងពិធីនេះ កសិករនឹងរាំលើបង្គោលចម្បើង ឬអំបោសក្រោមភ្លើងរង្វង់។ ពិធីនេះធ្វើឡើងដើម្បីបួងសួងឱ្យបានផលល្អ។ ហើយប្រហែលជាមនុស្សជាច្រើនបានយល់ច្រឡំថា ការរាំអំបោសនេះជាមួយនឹងរូបភាពដ៏ពេញនិយមនៃមេធ្មប់ជិះអំបោសនៅពេលយប់៕
ព័ត៌មានថ្មីៗ
