៣ យ៉ាងត្រូវថែរក្សាឱ្យបានល្អ ដើម្បីជួយកែលម្អឱ្យជីវិតអ្នករឹតតែល្អប្រសើរ រហូតដល់ពេលចាស់
មិនថាអ្នកស្ថិតនៅក្នុងវ័យណានោះឡើយ ចង់ឱ្យជីវិតមានផាសុកភាពល្អ អ្នកត្រូវតែថែរក្សា ៣ យ៉ាងនេះឱ្យបានខ្ជាប់ខ្ជួន ដរាបណាអ្នកអាចថែរក្សា ៣ យ៉ាងនេះបាន ធានាថានៅពេលចាស់ទៅ ជីវិតអ្នកនឹងកាន់តែល្អប្រសើរ។
១. ថែរក្សាសុខភាព ៖ កំហុសដ៏ធំបំផុតដែលមនុស្សជាច្រើនតែងសាងឡើងនោះគឺមិនថែរក្សាសុខភាពឱ្យបានល្អ។ អ្នកខ្លះនិយាយថា មានសុខភាពល្អ ក៏គ្មានអ្វីគ្រប់យ៉ាងដែរ ប៉ុន្តែការបាត់បង់សុខភាព គឺអ្នកនឹងបាត់បង់គ្រប់យ៉ាង។ នៅពេលអ្នកឈានដល់វ័យកណ្តាល សម្ពាធនៃជីវិតក៏កើនឡើង។ មនុស្សដែលមិនបានថែរក្សាសុខភាពតាំងពីក្មេង នឹងមានអារម្មណ៍ស្ដាយក្រោយពេលចាស់ទៅ ទម្រាំដឹងខ្លួន ក៏ហួសពេលហើយ។ ក្នុងសង្គមបច្ចុប្បន្ននេះ មនុស្សច្រើនណាស់ដែលយលសុខភាព ទៅប្ដូរនឹងលុយកាក់ ទ្រព្យសម្បត្តិ រហូតដល់ពេលពួកគេមានលុយ មានទ្រព្យហើយ ក៏យកទ្រព្យដែលមានទៅប្ដូរយកសុខភាពមកវិញ ប៉ុន្តែប្រហែលជាលែងមានតម្លៃហើយ ព្រោះសុខភាពទ្រុឌទ្រោម មិនអាចរស់នៅសោយសុខលើទ្រព្តដែលខំរកបានឡើយ។
២. រក្សាទំនាក់ទំនងក្រុមគ្រួសារ ៖ នៅពេលដែលមនុស្សឈានដល់វ័យកណ្តាល ភាពអស់កម្លាំងក្លាយជាបទដ្ឋាន។ ការងារមកមុនបន្ទាប់មកក្រុមគ្រួសារ និងកូនៗ។ មនុស្សជាច្រើនកំពុងរសាត់ឆ្ងាយពីទំនាក់ទំនងគ្រួសាររបស់ពួកគេដោយមិនដឹងខ្លួន។ ក្នុងសង្គមមានមនុស្សជាច្រើនដែលស្ថិតក្នុងស្ថានភាពដែលអាជីពការងារល្អតែគ្រួសារក៏បែកបាក់។ ជាក់ស្តែង វាជាការលំបាកខ្លាំងណាស់ក្នុងការថែរក្សាអាពាហ៍ពិពាហ៍។ ក្នុងជីវិត មិនមែនអ្វីៗទាំងអស់ត្រូវ និងខុសនោះទេ។ យ៉ាងណាមិញ ផ្ទះគឺជាកន្លែងសម្រាប់បង្ហាញអំពីអារម្មណ៍។ បើគិតគ្រប់យ៉ាងហើយបន្ទោសគ្នាទៅវិញទៅមក នោះនឹងមានតែធ្វើឱ្យចិត្តភាគីទាំងសងខាងកាន់តែឆ្ងាយពីគ្នាតែប៉ុណ្ណោះ។
៣. ថែរក្សាអារម្មណ៍ និងផ្លូវចិត្ត ៖ តើអ្វីទៅជាស្ថានភាពដ៏ល្អបន្ទាប់ពីវ័យកណ្តាល? វាជាស្ថានភាពជីវិតដ៏ល្អបំផុតគឺការចេះដាក់ចិត្តជាមុនសិន ហើយទុកអារម្មណ៍នៅពីក្រោយ។ អ្វីដែលសំខាន់បំផុតសម្រាប់មនុស្សគ្រប់រូបដើម្បីឈានដល់វ័យកណ្តាល គឺត្រូវស្រឡាញ់ខ្លួនឯងឱ្យបានច្រើន ថែរក្សាអារម្មណ៍ និងផ្លូវចិត្តឱ្យរឹងមាំ កុំឱ្យរងសម្ពាធផ្ដេសផ្ដាស នេះជារឿងដែលសំខាន់ណាស់សម្រាប់ជីវិតរស់នៅរបស់មនុស្សយើងម្នាក់ៗ៕
ព័ត៌មានថ្មីៗ
