ទ្រឹស្ដីអ្នកជំនួញជប៉ុន ចង្អុលបង្ហាញថា មនុស្សដែលបរជ័យ ព្រោះតែ ៣ ចំណុចនេះហើយ
អ្នជំនួញជនជាតិជប៉ុន លោក Kazuo Inamori ដែលត្រូវបានគេសរសើរថា ជាអ្នកគ្រប់គ្រងដ៏ឆ្នើមម្នាក់នៅក្នុងទឹកដីនៃព្រះអាទិត្យរះ បានចង្អុលបង្ហាញ ៣ ចំណុច ដែលមនុស្សងាយនឹងបរាជ័យតែងតែធ្វើ។
១) ចំណាយលុយលើអ្វីដែលមិនសំខាន់ ៖ តាមពិតទៅ អ្នកក្រជាច្រើន ពួកគេកាន់តែឱ្យតម្លៃកេរ្តិ៍ឈ្មោះ ហើយមានឆន្ទៈក្នុងការស្វែងរកអ្វីដែលលើសពីសមត្ថភាពហិរញ្ញវត្ថុរបស់ពួកគេ។ ពួកគេមិនមានលុយច្រើនទេ ប៉ុន្តែតែងតែគិតថា អ្វីគ្រប់យ៉ាងដែលពួកគេទិញត្រូវតែថ្លៃបំផុត និងស្រស់ស្អាតបំផុត ហើយអ្វីគ្រប់យ៉ាងដែលពួកគេធ្វើត្រូវតែអស្ចារ្យ និងឆើតឆាយ។ ពួកគេចូលចិត្តស្រមើស្រមៃអំពីខ្លួនឯង ចំណាយប្រាក់លើរូបរាង ប៉ុន្តែមិនវិនិយោគលើភាពឆ្លាតវៃឡើយ។ នៅពេលលាតត្រដាងការពិត មនុស្សទាំងនេះរកលេសគ្រប់បែបយ៉ាង ថែមទាំងមានអារម្មណ៍វាយប្រហារ ខកចិត្តខ្លាំង និងពិបាកទទួលយកការពិត។
យោងតាមលោក Kazuo Inamori មនុស្សគ្រប់រូបមានសិទ្ធិក្នុងការស្វែងរករបស់ប្រណិតៗ ប៉ុន្តែពួកគេត្រូវដឹងពីដែនកំណត់របស់ពួកគេ បើមិនដូច្នេះទេអនាគតរបស់ពួកគេនឹងត្រូវវិនាសដោយវត្ថុមិនសមរម្យទាំងនោះ។ ប្រសិនបើអ្នកមិនមានលុយច្រើន ឬមិនដឹងពីរបៀបគ្រប់គ្រងការចំណាយរបស់អ្នក កុំខ្លាចក្នុងការរៀនបង្កើនសមត្ថភាពខ្លួនឯង។
២) ចូលរួមពិធីជប់លៀងដែលអត់ប្រយោជន៍ ៖ Kazuo Inamori ត្រូវបានមនុស្សចំអកថាគ្មានលុយគ្រប់គ្រាន់ដើម្បីយកប្រពន្ធ ប៉ុន្តែគាត់មិនបាក់ទឹកចិត្តទេ គាត់ខិតខំប្រឹងប្រែងថែមទាំងចូលរួមចំណែកដល់ក្រុមហ៊ុនដែលជិតដួលរលំថែមទៀតផង។ គាត់ស្ទើរតែមិនចាកចេញពីបន្ទប់របស់គាត់ ហើយថែមទាំងបដិសេធការជួបជុំទាំងអស់។ យើងម្នាក់ៗមានទំនាក់ទំនងខុសៗគ្នា ប៉ុន្តែការស្វែងរកទំនាក់ទំនងដែលនាំមកនូវតម្លៃពិត គឺពិតជាសំខាន់ណាស់។
យោងតាមលោក Kazuo Inamori ប្រសិនបើអ្នកមិននាំមកនូវផលប្រយោជន៍ដល់ភាគីម្ខាងទៀតទេនោះ ពួកគេនឹងមិនខ្ជះខ្ជាយពេលវេលារបស់ពួកគេលើអ្នកឡើយ។ ដូច្នេះហើយ មុននឹងចាប់ផ្តើមពង្រីកទំនាក់ទំនង ជំនួសឱ្យការទៅពិធីជប់លៀងដែលគ្មានប្រយោជន៍ ចូរវាយតម្លៃខ្លួនឯងឡើងវិញ ដើម្បីមើលអ្វីដែលអ្នកខ្វះខាត និងអ្វីដែលអ្នកត្រូវការ។ Kazuo Inamori អះអាងថា «នៅពេលដែលអ្នកអាចនាំមកនូវអត្ថប្រយោជន៍ដល់អ្នកដទៃ ទំនាក់ទំនង និងឱកាសដ៏មានតម្លៃនឹងមករកអ្នកយ៉ាងប្រាកដ»។
៣) ដេកយល់សប្តិក្លាយជាអ្នកមានត្រឹមពេលមួយយប់ ៖ ក្នុងឆ្នាំដំបូងនៃអាជីវកម្មរបស់គាត់លោក Kazuo Inamori អាចរកប្រាក់ចំណូលបានរាប់លានដុល្លារ។ នៅពេលនោះ មិត្តរួមការងារជាច្រើនរបស់គាត់បានគិតភ្លាមៗថានឹងផ្តល់ភាគលាភដល់គាត់។ មហាសេដ្ឋីរូបនេះបានចំណាយពេល ៣ ថ្ងៃដើម្បីរម្ងាប់អារម្មណ៍ពួកគេ ហើយក្នុងពេលជាមួយគ្នានោះគាត់បានក្រើនរំឭកយុវជនកុំឱ្យមានការភ័ន្តច្រឡំអំពីការក្លាយជាអ្នកមានត្រឹមពេលមួយយប់។
គាត់បានប្រាប់ពួកគាត់ថា «កម្លាំងពលកម្មមួយផ្នែកនឹងបង្កើតផលមួយផ្នែកនៃការច្រូតកាត់។ ពីមួយថ្ងៃទៅមួយថ្ងៃ ពីមួយខែទៅមួយខែ ពីតិចទៅច្រើន អព្ភូតហេតុត្រូវបានបង្កើតដូចនេះ។ ប្រសិនបើអ្នកសុបិនចង់ក្លាយជាអ្នកមានត្រឹមមួយយប់ អ្នកប្រាកដជាមិនអាចពិចារណាគ្រប់យ៉ាងដោយស្ងប់ស្ងាត់នោះទេ។ ដើម្បីជោគជ័យ អ្នកមិនចាំបាច់ដើរលឿនទេ ប៉ុន្តែផ្ទុយទៅវិញ អ្នកត្រូវដើរយឺតៗ និងមានស្ថិរភាព។ មនុស្សជាច្រើនជាពិសេសកោតសរសើរចំពោះសេចក្តីស្រឡាញ់ជាប់លាប់របស់មហាសេដ្ឋី Kazuo Inamori សម្រាប់ការងារ។ គាត់ចាត់ទុកការងារដូចជាគូស្នេហ៍ ហើយថែមទាំងអាចដេកពេញមួយយប់នៅក្នុងរោងចក្រជាមួយនឹងការងារនៅក្នុងដៃរបស់គាត់ ដើម្បីមានអារម្មណ៍ផ្លាស់ប្តូរ។
គិតថយក្រោយមកវិញ មនុស្សជាច្រើនមិនធ្លាប់ស្រលាញ់ការងារ មិនដែលព្យាយាមអស់ពីសមត្ថភាព ទើបតែធ្វើបានសម្រេច ហើយគិតតែពីបញ្ចប់កិច្ចការ ដោយមិនគិតពីការសិក្សាឱ្យបានល្អិតល្អន់ តើធ្វើដូចម្តេចទើបអាចធ្វើវាបានល្អ? ដូច្នេះហើយ ប្រសិនបើយើងតែងតែមានអារម្មណ៍ថាការងាររបស់យើងមិនដំណើរការល្អ នោះប្រាកដជាដោយសារតែយើងធ្វើការមិនគ្រប់គ្រាន់។ នៅក្នុងសៀវភៅ “ច្បាប់នៃជីវិត” គាត់បានសរសេរអំពីការប្រឈមមុខនឹងការលំបាក និងបរាជ័យ។ យោងទៅតាមសម្ដីលោក Kazuo Inamori នោះគឺជាពេលវេលាដ៏ល្អបំផុតដើម្បីហ្វឹកហាត់ចិត្ត និងពង្រឹងបេះដូង៕
ព័ត៌មានថ្មីៗ
