ស្ត្រីម្ចាស់ឆ្នាំទាំង ៤ ជាប់ឈ្មោះជាប្រពន្ធល្អ ក៏ជាម្ដាយ និងកូនប្រសារល្អ ចម្រុងចម្រើនខ្លាំងដល់ក្រុមគ្រួសារ
ស្ត្រីដែលមានឆ្នាំកំណើតទាំង ៤ នេះ ជាប់ឈ្មោះជាស្ត្រីខ្លាំងពូកែ ដែលមានសក្ដានុពល និងឆ្លាតឈ្លាសវៃ ជោគជ័យទាំងក្នុងអាជីព ការងារ និងជីវិតស្នេហា។ លើសពីនេះ មិនត្រឹមតែជាកូនល្អជួយចម្រើនដល់ឪពុកម្ដាយប៉ុណ្ណោះទេ តែស្ត្រីទាំងនេះក៏ជាប់ឈ្មោះជាប្រពន្ធល្អ ជាកូនប្រសារល្អសម្រាប់ឪពុកម្ដាយក្មេក និងជាម្ដាយដ៏ល្អសម្រាប់កូនៗផងដែរ។
១) ឆ្នាំឆ្លូវ ៖ នៅពេលរៀបការហើយ ស្ត្រីដែលកើតឆ្នាំនេះនឹងនាំមកនូវសុភមង្គលដល់គ្រួសារ ជាមួយនឹងភាពកក់ក្តៅដ៏ពេញលេញ។ ស្ត្រីឆ្នាំគោពោរពេញដោយភាពសុទិដ្ឋិនិយម និងឧស្សាហ៍ព្យាយាម ស្ត្រីទាំងនេះជាប្រពន្ធដ៏ល្អ ពូកែក្នុងការថែរក្សាគ្រួសារ។ ថ្វីដ្បិតតែស្ត្រីដែលកើតក្នុងឆ្នាំនេះមិនមានភាពមុតស្រួច ឬឆ្លាតវៃបំផុតក៏ដោយ ប៉ុន្តែពួកគេគិតយ៉ាងស៊ីជម្រៅ ប្រុងប្រយ័ត្ន និងចេះពិចារណារឿងជាមុន។ នៅពេលប្រឈមមុខនឹងការលំបាក ប្រពន្ធឆ្នាំគោនឹងក្លាយជាជំនួយខាងវិញ្ញាណសម្រាប់គ្រួសារទាំងមូល ដោយជួយអ្នកជុំវិញខ្លួនកាត់បន្ថយនូវការព្រួយបារម្ភមួយផ្នែកធំ។ ឪពុកម្តាយក្មេកតែងតែស្រលាញ់កូនប្រសារដែលកើតក្នុងឆ្នាំឆ្លូវ ដោយសារចរិតស្លូតបូត និងឧស្សាហ៍ព្យាយាម។ ពួកគេក៏គោរព ស្រឡាញ់ យកអាសារឪពុកម្ដាយក្មេកដោយស្មោះត្រង់ដូចឪពុកម្ដាយបង្កើតអ៊ីចឹង។
២) ឆ្នាំច ៖ អ្នកឆ្នាំចជាមនុស្សមានចរិតសុទិដ្ឋិនិយម និងសកម្ម តែងតែដឹកនាំគ្រួសារទៅរកតម្លៃវិជ្ជមានក្នុងជីវិត ជំនួសឱ្យការគិតទុទិដ្ឋិនិយម និងថយក្រោយ។ ពួកគេតែងតែព្យាយាមបំពេញតួនាទីជាភរិយា និងជាម្តាយ ធ្វើឱ្យឪពុកម្តាយក្មេកមានក្តីសុខ និងមិនមានបញ្ហាព្រួយបារម្ភអ្វីឡើយ។ ក្នុងជីវិតមនុស្សឆ្នាំនេះតែងតែព្យាយាមដើម្បីទទួលបានការងារល្អ មុខតំណែងជាក់លាក់ក្នុងសង្គម ដោយហេតុនេះជួយគ្រួសារឱ្យមានស្ថិរភាពសេដ្ឋកិច្ចជានិច្ច។
៣) ឆ្នាំកុរ ៖ មនុស្សឆ្នាំជ្រូកតែងទទួលបានការស្រឡាញ់ និងជឿទុកចិត្តពីមនុស្សគ្រប់គ្នានៅជុំវិញខ្លួន។ ស្ត្រីកើតឆ្នាំនេះ ពូកែនិយាយ និងមានទេពកោសល្យក្នុងការទាក់ទងជាមួយមនុស្សក្នុងសង្គម ដូច្នេះហើយនឹងក្លាយជាមនុស្សថ្លៃថ្នូរជួយស្វាមី ជាពិសេសក្នុងគ្រាលំបាក ។ នៅអាយុ 40 ឆ្នាំ គ្រួសារស្ត្រីឆ្នាំជ្រូកនឹងឈានចូលដំណាក់កាលថ្មី កាន់តែប្រសើរ ជីវិតនឹងរីកចម្រើន និងសម្រេចបានគ្រប់វិស័យ។ ជាពិសេស កូនៗអាចទទួលបានលទ្ធផលខ្ពស់ និងកត្តញ្ញូចំពោះឪពុកម្ដាយដូនតាផងដែរ។
៤) ឆ្នាំជូត ៖ ស្ត្រីកើតឆ្នាំជូត មានចរិតស្លូតបូត រសើប និងប៉ិនប្រសប់ក្នុងការទំនាក់ទំនង និងអាកប្បកិរិយាល្អ។ នៅក្នុងហ្វូងមនុស្សដែលកើតក្នុងឆ្នាំជូតនៅតែមានសមត្ថភាពលេចធ្លោជាមួយបុគ្គលិកលក្ខណៈបើកចំហ និងចិត្តល្អ។ ស្ត្រីឆ្នាំនេះមានសមត្ថភាពមានឥទ្ធិពលលើស្វាមី និងកូនៗ ធ្វើឱ្យពួកគេផ្លាស់ប្តូរទិសដៅវិជ្ជមាន។ ស្ត្រីដែលកើតក្នុងឆ្នាំកណ្ដុរ អាចជួយស្វាមីអភិវឌ្ឍអាជីពការងារ។ នៅក្នុងផ្ទះកូនប្រសារឆ្នាំជូតនេះក៏ពូកែយកចិត្តគាប់គួរចំពោះឪពុកម្ដាយក្មេក ជាហេតុនាំឱ្យនាងក្លាយជាកូនប្រសារសំណព្វចិត្តសម្រាប់សាច់ថ្លៃផងដែរ៕
ព័ត៌មានថ្មីៗ
